Tukaram Supe : अबब ! तुकाराम सुपे याचं 2 कोटी 30 लाखांचं घबाड लेकीसह जावयाने लपवलं, पुणे पोलिसांचा सुपेला दणका
पुणे पोलिसांनी तुकाराम सुपेची आणखी चौकशी केली असता त्याला पैसे लपवण्यात त्याची मुलगी कोमल पाटील आणि जावई नितीन पाटील यांनी मदत केल्याचं समोर आलं.
पुणे: पुणे सायबर पोलिसांनी महाराष्ट्र परीक्षा परिषदेचे आयुक्त तुकाराम सुपे (Tukaram Supe) आणि अभिषेक सावरीकर (Abhishek Savarikar) यांच्यासह आणखी एकाला अटक केली होती. सुपेच्या चौकशीनंतर पुणे पोलिसांनी टाकलेल्या छाप्यात त्यांना 88 लाख रोख आणि सोनं मिळून 89 लाखांचा ऐवज जप्त केला होता. पुणे पोलिसांनी तुकाराम सुपेची आणखी चौकशी केली असता त्याला पैसे लपवण्यात त्याची मुलगी कोमल पाटील आणि जावई नितीन पाटील यांनी मदत केल्याचं समोर आलं. पुणे पोलिसांनी यानंतर त्या दोघांना चौकशीला बोलावलं. यानंतर पोलिसांनी त्यांच्याकडून चौकशी करुन छापा टाकून 1 कोटी 59 लाखांची रोकड आणि 70 लाखांचं सोनं हस्तगत केलं आहे.
पुणे पोलिसांनी 2 कोटी 30 लाखांचा ऐवज कसा पकडला?
तुकाराम सुपेची मुलगी आणि जावई यांची चौकशी केल्यानंतर पुणे पोलिसांनी त्यांच्या आळंदी येथील चऱ्होली घरी छापा टाकला. यामध्ये पोलिसांना 97 हजार रुपये आढळले. यानंतर पुणे पोलिसांनी पुन्हा एकदा चौकशी केली. नितीन पाटील यानं पैशांची बॅग त्याचा मित्र बिपीनच्या फ्लॅटवर ठेवल्याची कबुली दिली. यानंतर पुणे पोलिसांनी रोकड आणि 70 लाखांचं सोन जप्त केलं.
तुकाराम सुपे याच्यावर निलंबनांची कारवाई
महाराष्ट्र राज्य परीक्षा परिषदेचे आयुक्त तुकाराम सुपे यांना महाराष्ट्र नागरी सेवेतील नियमान्वये अटकेच्या दिनांकापासून निलंबित करण्यात आले आहे. त्यांना शासनाच्या पूर्वपरवानगीशिवाय पुणे येथील मुख्यालय सोडता येणार नाही, अशी माहिती शालेय शिक्षण मंत्री वर्षा गायकवाड यांनी दिली.
महाराष्ट्र राज्य परीक्षा परिषदेचे आयुक्त तुकाराम सुपे यांना महाराष्ट्र नागरी सेवेतील नियमान्वये अटकेच्या दिनांकापासून निलंबित करण्यात आले आहे. त्यांना शासनाच्या पूर्वपरवानगीशिवाय पुणे येथील मुख्यालय सोडता येणार नाही, अशी माहिती शालेय शिक्षण मंत्री @VarshaEGaikwad यांनी दिली. pic.twitter.com/rsIXfBCZ6y
— MAHARASHTRA DGIPR (@MahaDGIPR) December 20, 2021
टीईटी परीक्षा घोटाळा प्रकरणात सायबर पोलिसांनी एकाला बीड मधून अटक केली. संजय शाहूराव सानप (40 रा. वडझरी, ता.पाटोदा, जिल्हा बीड ) याचा या गुन्हयात सहभाग असल्याचे आढळल्याने त्यास अटक करण्यात आलीय.
इतर बातम्या
Weather Alert : राज्यात हुडहुडी कायम, सांगलीत शेकोट्या पेटल्या, भंडाऱ्यात पारा 9 अंशांवर!
SSC Exam : दहावीच्या परीक्षेचे अर्ज दाखल करण्यास मुदतवाढ; बोर्डाकडून नव्या तारखा जाहीर
Pune Police seized cash and gold of 2 crore 30 lakh from Tukaram Supe daughter and son in law and his friend house
