भारतीयांच्या हत्येने अमेरिका पुन्हा हादरली, गोळीबारात आठ जणांचा मृत्यू, शीख समुदायातील चौघे

वॉशिंग्टन : अमेरिकेतील इंडियानापोलीस (Indianapolis) शहरात झालेल्या गोळीबारात शीख समुदायातील चौघा जणांचा मृत्यू झाला. फेडएक्स फॅसिलिटीबाहेर (FedEx facility) गुरुवारी रात्री झालेल्या गोळीबारात आठ जणांचा मृत्यू झाला असून काही जण जखमी आहेत. बीडमधील रुद्रावार दाम्पत्याच्या हत्या-आत्महत्या प्रकरणाचे गूढ कायम असताना भारतीयांच्या हत्येने अमेरिका पुन्हा हादरली. (Sikh community four members among victims of Indianapolis shooting)

भारतीय वंशाच्या अमेरिकन शीख समुदायातील व्यक्तींचा गोळीबारात मृत्यू झाल्याच्या वृत्ताला अमेरिकेतील भारतीय दुतावासाने दुजोरा दिला. “इंडियानापोलीस पोलिसांनी गोळीबारातील मृतांची ओळख पटवली आहे. पीडित कुटुंबांना सर्वतोपरी मदत केली जाईल. आम्ही पीडित कुटुंबाच्या दुःखात सहभागी आहोत” असं स्थानिक पोलिसांनी जारी केलेल्या पत्रकात म्हटलं आहे.

अमेरिकन युवकाची गोळीबारानंतर आत्महत्या 

19 वर्षीय तरुणाने फेडएक्स फॅसिलिटीबाहेर गुरुवारी रात्री गोळीबार केला. त्यानंतर शुक्रवारी सकाळी स्वतःवर गोळी झाडली. ब्रँडन स्कॉट होल (Brandon Scott Hole) अशी आरोपीची ओळख पटली आहे. तो इंडियाना राज्याचा रहिवासी आहे. होलने केलेल्या गोळीबाराचं कारण अद्याप स्पष्ट नाही. आरोपीसह एकूण नऊ जणांनी या दुर्घटनेत प्राण गमावले.

अमेरिकेत आशियाई समुदायावर होणाऱ्या हल्ल्याबाबत चिंता व्यक्त केली जात आहे. मार्च महिन्यात अटलांटातील दोन मसाज पार्लरमध्ये आठ जणांची हत्या करण्यात आली होती. त्यामध्ये सहा आशियाई-अमेरिकन महिलांचा समावेश होता. त्यामुळे हेट क्राईमबद्दल (hate crimes) काळजी व्यक्त केली जात आहे. अमेरिकेत सध्या पाच लाख शीख समुदायाचे नागरिक असल्याची माहिती आहे.

Deeply shocked by shooting at FedEx facility in Indianapolis. Victims include persons of Indian American Sikh community. Our Consulate General in Chicago in touch with Mayor & local authorities in Indianapolis as well as community leaders. Will render all possible assistance: EAM pic.twitter.com/ONhvrdLQHD

— ANI (@ANI) April 17, 2021

संबंधित बातम्या :

मैत्रिणीशी जवळीक खटकली, अमेरिकेत 32 वर्षीय भारतीय इंजिनिअरची हत्या

अमेरिकेत ‘हेट क्राईम’मध्ये वाढ; दशकातील सर्वाधिक गुन्ह्यांची नोंद

VIDEO | शरणागतीच्या तयारीतील 13 वर्षीय तरुणाची गोळी झाडून हत्या, Chicago पोलिसांचा क्रूर चेहरा उघड

(Sikh community four members among victims of Indianapolis shooting)