Tamil Nadu : आई मित्राला सांगायची मुलीवर बलात्कार करायला, 4 वर्षात 8 वेळा अंडाशय विकलं, मोठा खुलासा होण्याची शक्यता
पीडितेचे आई-वडील 10 वर्षांपूर्वी वेगळे झाले. त्यानंतर ती तिच्या आईसोबत पुरुष मित्राच्या घरी राहत होती. अनेक वर्षांपासून अत्याचार सहन करत असलेली ही तरुणी मे महिन्यात घरातून पळून आपल्या मैत्रिणीकडे गेली.
मुंबई – तामिळनाडूमध्ये (Tamil Nadu) एका आईने आपल्या अल्पवयीन मुलीवर बलात्कार मित्राच्या मार्फत करायची. त्यानंतर तिच्या अंडाशयाची विक्री करीत असल्याचं प्रकरण नुकतचं उजेडात आलं आहे. हे प्रकरण सालेम (Salem) जिल्ह्यातील आहे. या अल्पवयीन मुलीवर आधी तिच्या आईच्या पुरुष मित्राने बलात्कार केला होता. नंतर तिचं अंडाशय हॉस्पिटलमध्ये (Hospital) विकल्याचे तपासात समोर आले आहे. बलात्कार पीडितेची आई आणि तिच्या पुरुष मित्राला पोलिसांनी अटक केली आहे. संबंधित मुलीवर बलात्कार करून तिचं अंडाशय विकण्याचा प्रकार 2017 पासून सुरू आहे अशी माहिती तपास अधिकाऱ्यांनी दिली आहे. विशेष म्हणजे गेल्या 4 वर्षात 8 पेक्षा जास्त वेळा तिच्या अंडाशयाची विक्री करण्यात आली आहे. ही बाब उघडकीस आल्यानंतर राज्यातील आरोग्य अधिकाऱ्यांनी मुलीशी बोलून समुपदेशन सुरू केल्याची माहिती समजली आहे.
वर्षातून दोनदा अंडाशय विक्री केलं जात होतं
पीडितेने मुलीने पोलिसांनी दिलेल्या माहितीनुसार प्रत्येक वेळी ती गरोदर राहिली की तिचं अंडाशय 20 हजार रुपयाला विक्री केलं जात होतं. यातील ५ हजार रुपये एक महिला कमिशन म्हणून घ्यायची आणि उर्वरित रक्कम आई आणि तिच्या मैत्रिणं ठेवून घ्यायची अशी माहिती उघडकीस आली आहे. हे वर्षातून दोनदा केले जात होते.
असा झाला प्रकरणाचा खुलासा
पीडितेचे आई-वडील 10 वर्षांपूर्वी वेगळे झाले. त्यानंतर ती तिच्या आईसोबत पुरुष मित्राच्या घरी राहत होती. अनेक वर्षांपासून अत्याचार सहन करत असलेली ही तरुणी मे महिन्यात घरातून पळून आपल्या मैत्रिणीकडे गेली. मुलीने हा प्रकार एका मैत्रिणीला सुरूवातीला सांगितला, त्यानंतर तिच्या मैत्रिणी आणि काही नातेवाईकांनी मिळून पोलिसांत तक्रार दाखल केली. पोलिसांनी मुलीची आई आणि तिच्या पुरुष मित्राला अटक केली आहे.
राज्य सरकारने चौकशीसाठी समिती स्थापन केली
राज्याच्या आरोग्य सचिवांनी प्रसारमाध्यमांना सांगितले की, या प्रकरणाच्या चौकशीसाठी एक समिती स्थापन करण्यात आली आहे. या प्रकरणात अनेक डॉक्टर आणि मोठ्या लोकांचा हात असल्याची माहिती पोलिसांच्या हाती लागली आहे. त्यामुळे या प्रकरणातून मोठा खुलासा होण्याची शक्यता व्यक्त केली आहे. आरोपीच्या विरोधात गुन्हा दाखल करण्यात आला आहे.
