Buldhana Crime : शेतात कामाला चाललेले गावकरी अचानक थांबले, शेतातील दृश्य पाहून गावात एकच खळबळ उडाली !

बुलढाणा / 27 जुलै 2023 : शेतात अज्ञात मृतदेह आढळल्याने बुलढाण्यातील मेहकर तालुक्यात एकच खळबळ उडाली आहे. दगडाने ठेचून इसमाची हत्या करण्यात आली आहे. या घटनेमुळे गावात एकच खळबळ उडाली आहे. मेहकर तालुक्यातील लव्हाळा ते साखरखेर्डा रस्त्यावरील घटना घडली. घटनेची माहिती मिळताच साखरखेर्डा पोलिसांनी घटनास्थळी धाव घेत मृतदेह ताब्यात घेत शवविच्छेदनासाठी रुग्णालयात पाठवला. साखरखेर्डा पोलिसांनी घटनेची नोंद करत पुढील तपास सुरु केला आहे. सदर अज्ञात व्यक्तीची ओळख पटवण्याचे काम सुरु आहे.

गावकऱ्यांना शेतात आढळला मृतदेह

नेहमीप्रमाणे गावातील लोक आज सकाळी शेतात कामावर चालले होते. यावेळी एका शेताजवळ अज्ञात व्यक्तीचा दगडाने ठेचलेला मृतदेह त्यांनी पाहिला. त्यांनी याबाबत गावकऱ्यांना आणि पोलिसांना माहिती दिली. सदर व्यक्ती कोण आहे? आणि त्याची हत्या कुणी आणि का केली याबाबत अद्याप माहिती कळू शकली नाही. पोलीस मयताची ओळख पटवण्याचे काम करत आहेत. सदर व्यक्ती राजस्थानी असल्याचे दिसते. मात्र तो इथे कसा आला याबाबत पोलीस माहिती मिळवत आहेत.