Nagpur Accident CCTV : दहेगाव फाट्यावर अंगावर काटा आणणारा अपघात! तिघेही बचावले, दोघांची प्रकृती गंभीर
सुदैवाने या अपघातात तिघांचेही जीव वाचले आहेत. मात्र,दोघांची प्रकृती अद्यापही गंभीर असून त्यांच्यावर रुग्णालयात उपचार सुरु आहेत. कार चालकाचा शोध सुरू आहे.
नागपूर : राज्यातच नव्हे तर देशात रस्ते अपघातात जीव जाणाऱ्यांची संख्या लक्षणीय असल्याची माहिती नुकतीच केंद्रीय मंत्री नितीन गडकरी (Nitin Gadkari) यांनी दिली होती. दरम्यान, रस्ते अपघात रोखण्याचं आव्हान संपूर्ण देशात कायम असल्याचं पाहायला मिळतंय. अपघाताचा एक धक्कादायक आणि अंगावर काटा आणणार व्हिडीओ नागपुरातून (Nagpur Road Accident Live Video) समोर आला आहे. या अपघातात एका कारनं बाईकला धडक दिली. तिघांना कारनं चिरडलं. मात्र सुदैवानं या अपघातात तिघेही जण बचावलेत. या अपघातातील दोघांची प्रकृती गंभीर असून त्यांच्यावर रुग्णालयात उपचार सुरु आहेत. या अपघातानंतर कारचालक फरार झाला आहे. सध्या फरार कार चालकाचा शोध सुरु आहे. या भीषण अपघाताचं थराराक सीसीटीव्हीही (Accident CCTV) समोर आलंय.
नेमकं घडलं काय?
सीसीटीव्ही व्हिडीओमध्ये एक गाडी रस्त्याच्या बाजूला पार्क केलेली दिसते आहे. एकजण सायकलवरुन येताना दिसतो. मात्र अचानक एक बाईक आडवी पडलेल्या अवस्थेत रस्त्यावर घसटताना दिसते.
बाईकसह तिघांना फरफटत नेलं
इतक्यात एक काळ्या रंगाची कारही मागून येताना दिसते. ही भरधाव वेगानं येणारी ही या बाईकला ठोकर देत पुढे फरफटक नेत असल्याचं दिसून येतं. दरम्यान, कार रस्ता पार करुन पुढे जाते. यावेळी तिघेजण या अपघातात चिरडले गेल्याचंही व्हिडीओमध्ये दिसून आलं आहे.
भरधाव कार रस्त्याच्या मधोमध बाईक आणि तिघांना फरफटत नेते. यात तिघेही जण रस्त्यावरुन घासले जातात. तर कारचालकाचं कारवरील नियंत्रणही पूर्णपणे सुटल्याचं दिसून आलं आहे. या अपघातावेळचा संपूर्ण दरार रस्त्याशेजारी लागलेल्या एका सीसीटीव्ही कॅमेऱ्यात कैद झाला आहे.
पाहा थरारक घटनेचा व्हिडीओ :
CCTV Video | भीषण अपघातातून आश्चर्यकारकरीत्या तिघेजण बचावले, थरारक अपघात सीसीटीव्ही कॅमेऱ्यात कैद, नागपूर जिल्ह्यातील दहेगाव फाट्यावरील घटना #roadaccident #ACCIDENT #CCTV #cctvfootage #Maharashtra #caraccident #Video pic.twitter.com/rKYVSCpbSd
— TV9 Marathi (@TV9Marathi) April 8, 2022
तिघेही बचावले पण…
या भीषण अपघातातून बचावलेल्या तिघांनीही याची देही याची डोळा मृत्यू अनुभवलाय. सुदैवानं या अपघातातून तिघेही जण बालंबाल बचावले आहेत. दरम्यान, या अपघातातील तिघांपैकी दोघांची प्रकृती चिंताजनक आहे. त्यांच्यावर सध्या उपचार सुरु आहेत.
या अपघातानंतर भरधाव कारच्या चालकानं घटनास्थळावरुन पळ काढलाय. या अपघाताची अधिक चौकशी पोलिसांकडून सुरु असून फरार कारचालकाचा शोधही सुरु आहे.
नागपुरातील इतर महत्त्वाच्या बातम्या :
तोंडी परीक्षेहून येताना काळाचा घाला, बाईक अपघातात दहावीच्या विद्यार्थ्याचा जागीच मृत्यू
पाहा Video | महत्त्वाची बातमी : पवारांच्या घरावर एसटी कर्मचाऱ्यांची धडक आणि गुणरत्न सदावर्तेंची पहिली प्रतिक्रिया
