खतरनाक ! आई झुम मिटींगवर, पोराच्या हाती बापाची पिस्टल लागली मग काय डॅण्टॅडॅणsssss

फ्लोरिडा : अमेरिकेच्या फ्लोरिडामध्ये एका लहान मुलाने आपल्या आईची गोळ्या घालून हत्या केल्याची धक्कादायक घटना घडली. पोलिसांनी याप्रकरणी मुलाच्या वडिलांना अटक केली आहे. वडिलांची बंदूक दोन वर्षांच्या निष्पाप मुलाच्या हातात पडली. त्यानंतर त्याने घरात झूम कॉलवर मिटिंगमध्ये असलेल्या आईवर गोळी झाडली. पोलिसांनी सांगितले की, मुलाचे वडील 22 वर्षीय वोंड्रे एवरी (Veondre Avery) यांना मंगळवारी अटक करण्यात आली. त्याच्यावर हत्या आणि निष्काळजीपणे बंदूक बाळगल्याचा आरोप आहे.

मुलाला बॅकपॅकमध्ये बंदूक सापडली

‘यूएस टुडे’ च्या वृत्तानुसार, पोलिसांनी सांगितले की 2 वर्षांच्या मुलाला बॅगमध्ये बंदूक सापडली होती. गेममध्ये त्याने एक गोळी झाडली. ही गोळी त्याची आई शमाया लिन हिच्या डोक्यात लागली आणि तिचा जागीच मृत्यू झाला. त्यादरम्यान, शमाया घरी ऑफिसच्या झूम मीटिंगमध्ये होती. या घटनेची माहिती मृताच्या सहकाऱ्याने पोलिसांना दिली, जो झूम बैठकीत सहभागी होता.

सहकाऱ्याने पोलिसांना बोलावले

सहकाऱ्याने तात्काळ 911 ला फोन केला आणि सांगितले की तिने बंदुकीच्या गोळ्यांचा आवाज ऐकला आणि लिनला पडताना पाहिले. लिनचे बाळ रडत होते आणि तिचा पतीही घरी नव्हता. जेव्हा मृताचा पती एवरी घरी पोहोचला तेव्हा जमीनीवर सर्वत्र रक्त पसरलेले होते. त्याने आपत्कालीन सेवेला सांगितले की त्याची पत्नी कम्प्युटरवर काम करत होती, जेव्हा हा अपघात झाला.

महिलेचा जागीच मृत्यू झाला

गोळी लागल्याने महिलेचा जागीच मृत्यू झाला. पोलिसांनी सांगितले की, घटनेच्या वेळी घरात आणखी एक लहान मूल उपस्थित होते. अमेरिकेत लहान मुलाने बंदुका वापरण्याची ही पहिलीच घटना नाही. सप्टेंबरमध्ये टेक्सासमध्ये दोन वर्षांच्या मुलाने चुकून स्वतःवर गोळी झाडली होती. त्याने त्याच्या नातेवाईकाच्या पिशवीतून बंदूक काढली होती, जी भरलेली होती आणि सेफ्टी लॉकही लावलेले नव्हते.

धक्कादायक! पर्स घेऊ पळणाऱ्या चोरट्याचा प्रवाशावर चाकू हल्ला, सर्वांदेखत हत्या; सीसीटीव्ही कॅमेऱ्यात घटना कैदhttps://t.co/WKKrJlo1d8#thief | #virar | #murder | #Maharashtra

— TV9 Marathi (@TV9Marathi) October 14, 2021

संबंधित बातम्या :

दसऱ्याच्या पूर्वसंध्येला पुण्यात तरुणाची हत्या, काठीने मारहाण करुन डोक्यात फरशी टाकली

सिंघू सीमेवर तरुणाचा मृतदेह आढळल्याने खळबळ, हात कापून बॅरिकेट्सवर लटकवलं