CBSE 12th Result Evaluation : मार्कांचा फॉर्म्युला ठरला, विद्यार्थ्यांना कसे मार्क मिळणार, वाचा सविस्तर

सीबीएसई बोर्डाची बारावीची परीक्षा रद्द झाल्यानंतर ज्या फॉर्म्युलासाठी विद्यार्थी गेले काही दिवस वाट पाहत होते, तो फॉर्म्युला आज समोर आला आहे. (CBSE 12th Result Evaluation how To make marksheet)

CBSE 12th Result Evaluation : मार्कांचा फॉर्म्युला ठरला, विद्यार्थ्यांना कसे मार्क मिळणार, वाचा सविस्तर
CBSE 12th Result Evaluation

मुंबई : सीबीएसई बोर्डाची (CBSE 12th Result) बारावीची परीक्षा रद्द झाल्यानंतर ज्या मार्कांच्या फॉर्म्युलासाठी विद्यार्थी गेले काही दिवस वाट पाहत होते, तो फॉर्म्युला आज समोर आला आहे. याबाबत, सरकारने गठित केलेल्या 13 सदस्यांच्या समितीने आपला अहवाल गुरुवारी सर्वोच्च न्यायालयात सादर केला. या अहवालानुसार बारावीची गुणपत्रिका दहावी, अकरावी आणि बारावीच्या पूर्वीच्या निकालाच्या आधारे तयार केली जाईल. (CBSE 12th Result Evaluation how To make marksheet)

असे दिले जाणार गुण…!

समितीच्या अहवालानुसार शेवटच्या तीन परीक्षा बारीवीचं मार्कशीट बनविण्यासाठी अमलात आणल्या जातील. यामध्ये दहावीच्या 5 विषयांपैकी 3 विषयांचे उत्कृष्ट गुण घेऊन मार्कशीट तयार करण्यात येईल. तसंच अकरावीच्या पाच विषयांची सरासरी घेऊन वेटेज दिले जाईल.

मार्कशीट तयार करताना बारावीच्या पूर्व-बोर्ड परीक्षेच्या आणि प्रॅक्टिकलच्या गुणांनाही वेटेज दिले जाईल. अशा प्रकारे, जर आपण मूल्यमापनाच्या पूर्ण फॉर्म्युलाबद्दल बोललो तर निकाल दहावीच्या 30 टक्के, 11 वीच्या गुणांपैकी 30 टक्के आणि 12 व्या गुणांच्या 40 टक्के आधारावर 12 वीचा निकाल असेल. सीबीएसई बोर्ड निकाल तयार करण्यासाठी 30:30:40 फॉर्म्युला वापरू शकेल, अशी चर्चा होती. अखेर यावर शिक्कामोर्तब झालं आहे.

CBSE Board 12th result Supreme Court Evaluation Formula 12th result

सीबीएसईने सर्वोच्च न्यायालयात काय सांगितलं?

विश्वासार्हतेच्या आधारे वेटेजचा निर्णय समितीने निर्णय घेतला आहे. प्रीबोर्डमध्ये अधिक गुण देण्याचे शाळांचे धोरण आहे, त्यामुळे सीबीएसईच्या हजारो शाळांसाठी निकाल समिती गठीत केली जाईल. सीबीएसई शाळेतले दोन वरिष्ठ शिक्षक आणि आसपासच्या सीबीएसई शाळेतील एक शिक्षक ‘मॉडरेटिंग कमिटी’ म्हणून काम पाहणार आहे. जेणेकरुन शिक्षकांनी विद्यार्थ्यांना वाढीव गुण देऊ नयेत. ही कमिटी गेल्या तीन वर्षांच्या विद्यार्थ्यांच्या कामगिरीचे मूल्यांकन करेल.

28 जूनपर्यंत डेटा पाठवणं शाळांसाठी बंधनकारक

मूल्यांकन निकष आता फायनल झालं आहे. आता निकालावर काम करणं सुरु होईल. 28 जूनपर्यंत हा डेटा शाळांना पाठवावा लागेल. सर्व डेटा आल्यानंतर सीबीएसई 15 जुलैपर्यंत निकाल जाहीर करू शकते. 12 वीचा मूल्यांकन फॉर्म्युला ठरविण्यासाठी सर्वोच्च न्यायालयाने केंद्र सरकार आणि सीबीएसईला दोन आठवड्यांचा अवधी दिला होता.

(CBSE 12th Result Evaluation how To make marksheet)

हे ही वाचा :

CBSE Board 12th Result 2021: सीबीएसई बारावी बोर्डाच्या निकालाचा फॉर्म्युला ठरला, असे मिळणार मार्क!

Click on your DTH Provider to Add TV9 MARATHI