CBSE Term 1 Exam : CBSE टर्म 1 परीक्षेत MCQ सोडवण्यासाठी टिप्स आणि ट्रिक्स

CBSE term 1 exam tips and tricks for MCQ : सेंट्रल बोर्ड ऑफ सेकंडरी एज्युकेशन (CBSE) इयत्ता 10 ची MCQ आधारित टर्म 1 परीक्षा 30 नोव्हेंबर 2021 पासून सुरू होणार आणि 11 डिसेंबर 2021 पर्यंत चालणार आहे. परीक्षेच्या शेवटच्या काही दिवसांत विद्यार्थ्यांनी त्वरीत आणि अचूक उजळणी करावी. विषयांची तयारी करताना काही खास युक्त्या लक्षात ठेवल्या तर कमी वेळात आत्मविश्वास निर्माण होतो. अनेक विद्यार्थी नवीन परीक्षेच्या पॅटर्नबाबत सिरियस नसतात. MCQ पॅटर्न सोपे समजणे ही मोठी चूक असेल. अशी चूक करू नका. प्रश्नपत्रिका बहुपर्यायी पद्धतीवर आधारित असल्याने अतिशय काळजीपूर्वक वस्तुस्थिती हाताळण्याची गरज आहे.

MCQ ची उत्तरे देण्यासाठी विषय खोलवर समजून घ्या. विषयाशी संबंधित ग्राफ, चित्रे किंवा तथ्ये यांच्या आधारे तक्त्याची योग्य प्रकारे उजळणी करा. लक्षात ठेवा, चॅप्टरमध्ये दिलेल्या केस स्टडीच्या आधारे MCQ विचारले जाऊ शकतात. CBSE ने यापूर्वीही सांगितले होते की अनेक शिक्षक आणि विद्यार्थी चुकीच्या MCQ चा सराव करत आहेत. आता परीक्षा जवळ आल्याने संयमाने आणि धैर्याने अभ्यासक्रमानुसार उजळणी करा.

परीक्षेची तयारी करताना या गोष्टी लक्षात ठेवा

– परीक्षेपूर्वी काय वाचावे यापेक्षा काय वाचू नये हे समजून घेणे महत्त्वाचे आहे. त्यामुळे तयारी करताना अभ्यासक्रम लक्षात ठेवा.
– इकडे तिकडे वेळ वाया घालवू नका. वाचनाचा वेळ प्रभावीपणे वापरा. सर्व विषय आणि संबंधित प्रश्न काळजीपूर्वक वाचा आणि ज्या प्रश्नांवर तुम्हाला विश्वास आहे त्या प्रश्नांना मार्क करा.
– मेहनतीला पर्याय नाही. जर तुम्ही विषयाशी सखोल असाल, आत्मसात करत असाल तर तुम्ही आत्मविश्वासाने प्रश्नांची उत्तरे देऊ शकाल.
– नमुना पेपर सोडवा. हे तुम्हाला तुमची ताकद आणि कमकुवतपणा समजण्यास मदत करेल. तुम्ही OMR शीटवरील योग्य पर्याय हायलाइट करून उत्तर वर्तुळ योग्यरित्या चिन्हांकित करण्याचा सराव देखील केला पाहिजे.
– तुम्हाला OMR शीटवर योग्य पर्याय चिन्हांकित करावा लागेल आणि विहित रकान्यात योग्य पर्याय क्रमांक लिहावा लागेल. म्हणून लिखित आणि चिन्हांकित पर्यायामध्ये काही जुळत नाही याची खात्री करा.

MCQ सोडवण्यासाठी टिप्स आणि ट्रिक्स

– सूचना काळजीपूर्वक वाचा. प्रत्येक विभागात एका निश्चित संख्येत प्रश्नांची उत्तरे द्यावी लागतात. त्यामुळे तुम्ही आवश्यक प्रश्नांची उत्तरे दिली आहेत की नाही ते तपासा.
– प्रश्नातील डबल निगेटिव्ह ओळखण्यास विसरू नका. त्यामुळे विषय नीट जाणून व समजून घेऊनही चुका होऊ शकतात.
– MCQ ला एक बरोबर उत्तर आणि तीन चुकीची उत्तरे असतील. उत्तरे एकमेकांच्या अगदी जवळ असू शकतात, परंतु फक्त एकच उत्तर सर्वात योग्य असेल. अशा परिस्थितीत, एलिमिनेशन पद्धत वापरून योग्य उत्तर ओळखा.
– प्रश्न वाचताना पर्यायांची पर्वा न करता प्रश्नाचे विश्लेषण करून उत्तर देण्याचा प्रयत्न करा. हे तुम्हाला चुकीच्या निवडीमुळे विचलित न होण्यास मदत करेल.
– या परीक्षेत निगेटिव्ह मार्किंग नाही हे लक्षात ठेवा, त्यामुळे सर्व प्रश्नांची उत्तरे द्या.
– MCQ सोडवताना, परीक्षेचा कालावधी लक्षात ठेवा. कारण तुम्हाला 90 मिनिटांत 50 प्रश्न सोडवायचे आहेत. याचा अर्थ असा की तुम्हाला प्रत्येक प्रश्नासाठी 2 मिनिटेही मिळत नाहीत.
– परीक्षेत बसण्यासाठी परीक्षेचा नमुना आणि वेळेचे व्यवस्थापन समजून घेण्यासाठी, CBSE द्वारे जारी केलेल्या मॉडेल OMR शीटवर नमुना पेपरचा सराव करा. (CBSE Term 1 Exam: Tips and tricks for solving MCQ in CBSE Term 1 exam)

इतर बातम्या

मिठापासून पिठापर्यंत सर्वच महाग… भारतच नव्हे तर जगभरात भडकतोय महागाईचा आगडोंब; कारण काय?

भारतीय संघाचं प्रशिक्षक पद सोडताच रवी शास्त्रींकडे नवी कामगिरी, लवकरच दिसणार नव्या भूमिकेत