१० उत्तीर्ण झाल्यानंतर हे टेक्निकल कोर्स करा, कमी खर्चात महिन्याला चांगले उत्पन्न मिळवा…

10 वीच्या बोर्डाची परीक्षा झाल्यानंतर अनेक विद्यार्थी आणि पालकांच्या मनात प्रश्न असतो की आता काय करायचे ? सर्वच विद्यार्थी दीर्घकालीन अभ्यासक्रम आणि महागड्या कॉलेजचा खर्च उचलू शकत नाहीत. परंतू याचा अर्थ असा नाही त्यांच्यासाठी चांगल्या करियरचे दरवाजे बंद होतील.आजच्या काळात अनेक असे टेक्निकल आणि प्रोफेशन कोर्स उपलब्ध आहेत. त्यामुळे १० वीनंतर चांगले करियर करता येते आणि लागलीच नोकरी करता येते. चला तर पाहूयात दहावी उत्तीर्ण झाल्यानंतर कोणते कोर्स फायद्याचे असतात.हे टेक्निकल कोर्स भविष्यात नक्कीच फायद्याचे ठरतात.

आयटीआय

ज्यांना टेक्निकल कामात रस असतो अशा विद्यार्थ्यांसाठी आयटीआय एक चांगला पर्याय मानला जातो. हा कोर्स सर्वसाधारणपणे १ ते २ वर्षात पूर्ण होतो. यात इलेक्ट्रीशियन, फिटर, वेल्डर, प्लंबर, मॅकेनिक आणि कॉम्प्यूटर ऑपरेटर यासारखे अनेक ट्रेड सामील असतात.आयटीआय केल्यानंतर रेल्वे, फॅक्टरी, प्रायव्हेट कंपन्या आणि सरकारी विभागात नोकऱ्याची संधी मिळू शकते. सुरुवातीला १५ ते ३० हजार रुपये मासिक वेतन मिळते नंतर अनुभवासोबत पगारात वाढ होत जाते.

पॉलिटेक्निक डिप्लोमा

ज्यांना इंजीनिअरिंग सेक्टरमध्ये लवकर पाऊल ठेवायचे असेल त्यांच्यासाठी पॉलिटेक्निक डिप्लोमा हा चांगला ऑप्शन आहे. हा कोर्स तीन वर्षांचा असून यात मॅकेनिकल सिव्हील, इलेक्ट्रीकल, कॉम्प्युटर आणि इलेक्ट्रॉनिक सारख्या शाखा असताता. पॉलिटेक्निक केल्यानंतर उमेदवारांना कंस्ट्रक्टेड कंपनी, मॅन्युफॅक्चरिंग युनिट्स आणि सरकारी डिपार्टमेंटमध्ये नोकरीची संधी मिळते. याशिवाय लेटरल एंट्रीच्या माध्यमातून बीटेकच्या दुसऱ्या वर्षात प्रवेशापासून पुढचा अभ्यास करता येतो.

डिजिटल मार्केटिंग

डिजिटलच्या युगात आता डिजिटल मार्केटिंग वेगाने वाढणारे करियअर ऑप्शन बनले आहे. ३ ते १२ महिन्याच्या आत पूर्ण होणारा हा कोर्स एसईओ, सोशल मीडिया, ऑनलाईन एडव्हर्टोईजमेंट आणि कंटेन्ट प्रमोशन सारख्या स्किल शिकवल्या जातात. या सेक्टरमध्ये नोकरी सोबत फ्रिलान्स आणि स्वत:चे काम सुरु करण्याची संधी देखील मिळते. यात सुरुवातीचे उत्पन्न २० ते ४० हजार रुपयांपर्यंत होऊ शकते.

कॉम्प्यूटर हार्डवेअर आणि नेटवर्किंग

आज प्रत्येक इन्स्टिट्यूटमध्ये कॉम्प्युटरचा वापर केला जात आहे.त्यामुळे हार्डवेअर आणि नेटवर्किंगची माहीती असणाऱ्यांची मागणी जास्त वाढत आहे. हा कोर्स ६ महिन्यांपासून ते १ वर्षांत पूर्ण होऊ शकते. तर याच कोर्सनंतर सर्व्हीस सेंटर, प्रायव्हेट कंपन्यात काम किंवा स्वत:चा रिपेयरिंगचा बिजनेस सुरु केला जाऊ शकतो. या कोर्समध्ये सुरुवातीची कमाई १५ ते ३० रुपये महिना होऊ शकते.

पॅरामेडिकल कोर्स

हेल्थ सेक्टरमध्ये करियर बनवू इच्छीणाऱ्या स्टुडंट्ससाठी पॅरामेडिकल कोर्स एक चांगला पर्याय मानला जात आहे. यात लॅब टेक्निशियन, नर्सिंग असिस्टंट आणि एक्सरे टेक्निशियन सारख्या कोर्सचा समावेश आहे. हे कोर्स एक ते दोन वर्षात पूर्ण होऊ शकतात. तसेच हॉस्पिटल, क्लिनिंग आणि लॅबमध्ये यांची सतत मागणी असते. या कोर्सना केल्यानंतर महिना १५ ते २५ हजार रुपयांचे वेतन मिळू शकते.