JEE Counselling Tentative Schedule: जेईई मेन समुपदेशन 6 फेऱ्यांत होणार! वाचा संभाव्य वेळापत्रक

JEE Counselling Tentative Schedule: यातील बहुतांश विद्यार्थी तेलंगणा, आंध्र प्रदेश आणि राजस्थानमधील आहेत. निकालानंतर आता जेईई मेन कौन्सेलिंग (Counselling) 2022 ची उत्सुकता विद्यार्थ्यांमध्ये आहे. त्यासाठी JoSAA Counselling केले जाते.

Skill development course in IIT Image Credit source: Social Media

Rachana Bhondave | Updated on: Aug 08, 2022 | 4:57 PM

JEE Counselling Tentative Schedule: जेईई मेन 2022 चा निकाल (JEE Main Results) जाहीर झाला आहे. स्कोअरकार्ड डाउनलोड करण्यासाठी, लिंक एनटीए जेईई मेन jeemain.nta.nic.in अधिकृत वेबसाइटवर सक्रिय आहे. जेईई मेन टॉपर्सची (JEE Main Toppers) यादीही जाहीर करण्यात आली आहे. यंदा देशभरातून एकूण 24 विद्यार्थ्यांना 100 पर्सेंटाईल मिळालं आहे. यातील बहुतांश विद्यार्थी तेलंगणा, आंध्र प्रदेश आणि राजस्थानमधील आहेत. निकालानंतर आता जेईई मेन कौन्सेलिंग (Counselling) 2022 ची उत्सुकता विद्यार्थ्यांमध्ये आहे. त्यासाठी JoSAA Counselling केले जाते.

जेईई मेन समुपदेशन 6 फेऱ्यांत होणार!

अहवालानुसार जेईई मेन काउन्सिलिंग 2022 मध्ये एकूण 6 राऊंड होतील. समुपदेशनात सहभागी होण्यासाठी आधी ऑनलाइन नोंदणी करावी लागते. केंद्रीय जागा वाटप मंडळांतर्गत (सीएसएबी) जोएसएएने समुपदेशनाचे वेळापत्रक जाहीर केल्यानंतर नोंदणी सुरू होईल. त्यासाठी josaa.nic.in अधिकृत वेबसाइटवर जेईई मेन समुपदेशन नोंदणी लिंक ॲक्टिव्हेट करण्यात येणार आहे.

जेईई मेन्स JoSAA Counselling कधी होणार?

जेईई मेन्स 2022 समुपदेशनाची तारीख संयुक्त जागा वाटप प्राधिकरणाने (जेएसएए) जाहीर केलेली नाही. परंतु अशी अपेक्षा आहे की जोसएए समुपदेशन (JoSAA Counselling) वेळापत्रक 2022 ऑगस्टच्या तिसऱ्या आठवड्यापर्यंत josaa.nic.in अधिकृत वेबसाइटवर जाहीर केले जाईल. वेळापत्रक जाहीर झाल्यानंतर जेईई मेन समुपदेशन 2022 सप्टेंबर 2022 च्या पहिल्या आठवड्यापासून सुरू होणार आहे. सध्या जॉइंट सीट ॲलोकेशन ॲथॉरिटीची वेबसाइट इनऍक्टिव्ह आहे. लवकरच josaa.nic.in 2022 ची वेबसाइट ऍक्टिव्ह करण्यात येईल. त्यानंतर या ठिकाणी जेईई मेन 2022 समुपदेशनाची प्रत्येक माहिती मिळेल.