Mumbai University: मुंबई विद्यापीठाकडून पहिली गुणवत्ता यादी जाहीर,कॉमर्स शाखेला विद्यार्थ्यांची पसंती! एफवायच्या कटऑफमध्ये मोठी घट

आर्ट्स आणि सायन्सला तितकीशी विद्यार्थ्यांची पसंती नाही. गेल्या वर्षी कोरोनामुळे अंतर्गत मूल्यमापनाआधारे बारावीचा निकाल लागल्याने त्याचा परिणाम एफवायच्या कटऑफवर झाल्याचं दिसून येतंय.

NEET PG allotmentImage Credit source: Social Media

Rachana Bhondave | Updated on: Jun 30, 2022 | 7:47 AM

मुंबई: मुंबई विद्यापीठानं (Mumbai University) काल, बुधवारी पदवी प्रवेशाची (FY Entrance) पहिली गुणवत्ता यादी जाहीर केलीये. केंद्रीय मंडळांच्या बारावीच्या परीक्षांचे निकाल जाहीर होण्यापूर्वीच मुंबई विद्यापीठाने ही यादी जाहीर केलीये. गेल्या वर्षी वाढलेला कटऑफ यंदा खाली आला आहे. सायन्स शाखेच्या कटऑफमध्ये मोठी घट यंदा झाली असून त्याखालोखाल कॉमर्स आणि आर्ट्सचा कटऑफही (Cut-Off) खाली आला आहे. कॉमर्स शाखेतील व्यावसायिक अभ्यासक्रमांना विद्यार्थ्यांची पसंती आहे. आर्ट्स आणि सायन्सला तितकीशी विद्यार्थ्यांची पसंती नाही. गेल्या वर्षी कोरोनामुळे अंतर्गत मूल्यमापनाआधारे बारावीचा निकाल लागल्याने त्याचा परिणाम एफवायच्या कटऑफवर झाल्याचं दिसून येतंय. कटऑफमध्ये यंदा 2 ते 10 टक्क्यांपर्यंत मोठी घट झालीये.

महत्त्वाच्या तारखा

पहिल्या यादीत प्रवेश मिळालेल्या विद्यार्थ्यांच्या कागदपत्रांची ऑनलाइन पडताळणी आणि ऑनलाइन फी भरणा 30 जून ते 6 जूलै दुपारी 3 वाजेपर्यंत होणार आहे.
दुसरी गुणवत्ता यादी 7 जुलै रोजी सकाळी 11 वाजता जाहीर होणार आहे.

काय म्हणतोय यंदाचा कटऑफ?

डहाणूकर कॉलेजच्या बीकॉमच्या कटऑफमध्ये यंदा तब्बल ८ टक्क्यांची घट पहायला मिळाली.
रूपारेल कॉलेजचा गेल्या वर्षी बीएचा कटऑफ ९३.१६ टक्क्यांवर होता. यंदा त्यात ७ टक्क्यांची घट पहायला मिळालीये.