NEET PG देणाऱ्यांसाठी महत्त्वाची बातमी! 2023 चं टेंटेटिव्ह वेळापत्रक जाहीर
विद्यार्थ्यांना वेळोवेळी अधिकृत वेबसाइटला भेट देऊन परीक्षेच्या वेळापत्रकाबद्दल खात्रीशीर माहिती करून घ्यावी असं आवाहन करण्यात आलंय.
नॅशनल बोर्ड ऑफ ऑफ एक्झामिनेशन इन मेडिकल सायन्सेस (NBEMS) ने आज नॅशनल एलिजिबिलिटी एन्ट्रन्स टेस्ट पोस्ट ग्रॅज्युएशन 2023 (NEET PG 2023) साठी परीक्षेचे वेळापत्रक जाहीर केलंय. वैद्यकीय विद्यार्थी या अधिकृत संकेतस्थळांवर nbe.edu.in , natboard.edu.in भेट देऊन वेळापत्रक तपासू शकतात. जाहीर करण्यात आलेल्या वेळापत्रकानुसार एनईईटी पीजी 2023 परीक्षा 5 मार्च 2023 रोजी होणार आहे. पण ह्या तारखा तात्पुरत्या आहेत हे लक्षात घ्या. गरज पडल्यास वेळापत्रकात (Timetable NEET PG) बदल करण्यात येऊ शकतो.
विद्यार्थ्यांना वेळोवेळी अधिकृत वेबसाइटला भेट देऊन परीक्षेच्या वेळापत्रकाबद्दल खात्रीशीर माहिती करून घ्यावी असं आवाहन करण्यात आलंय.
आता या वेबसाइटवर जाहीर natboard.edu.in नव्या वेळापत्रकानुसार जून २०२२ मध्ये होणारी DNB/DrNB अंतिम प्रॅक्टिकल परीक्षा यंदा ऑक्टोबर किंवा नोव्हेंबरमध्ये होणार आहे. DNB/DrNB अंतिम लेखी परीक्षा 21, 22, 23 आणि 24 डिसेंबर रोजी घेण्यात येणार आहे.
FMGE डिसेंबर 2022 परीक्षा 4 डिसेंबर 2022 रोजी फॉरेन डेंटल स्क्रीनिंग टेस्ट (FDST 2022) सह आयोजित केली जाईल. याशिवाय फॉर्मेटिव्ह असेसमेंट टेस्ट 2022 (FAT 2022) ही परीक्षा 10 डिसेंबर रोजी नियोजित करण्यात आली आहे.
नीट एमडीएस परीक्षा (NEET MDS Exam) 8 जानेवारी 2023 रोजी घेण्यात येणार आहे. त्यानंतर फेलोशिप प्रवेश परीक्षा (FET) 23 जानेवारी 2023 रोजी होणार आहे.
एफएनबी एक्झिट परीक्षाही फेब्रुवारी किंवा मार्चमध्ये होणार आहे. यासोबतच DNB/DrNB अंतिम प्रॅक्टिकल परीक्षा डिसेंबर 2022 मध्ये होणार आहे.