Hardik Patel: हार्दिक पटेल निवडणूक लढवत असलेल्या विरामगाम विधानसभा मतदारसंघाचा निकाल जाहीर

जामनगर: गुजरात विधानसभा निवडणूक 2022 ची मतमोजणी सुरु आहे. गुजरातमध्ये पुन्हा एकदा भाजपाची सत्ता येणार हे स्पष्ट दिसतय. 27 वर्षानंतरही गुजरातमध्ये भाजपाला हरवणं काँग्रेसला जमलेलं नाही. इतक्या वर्षाच्या सत्तेनंतर प्रस्थापित सरकारविरोधात लाट असली पाहिजे. पण इथे उलट चित्र दिसतय. भाजपा मागच्या काही निवडणुकांपेक्षा विक्रमी मताधिक्क्याने विजयी होईल असं दिसतय.

हायप्रोफाईल निवडणूक

सध्याचे जे कल आहेत, त्यानुसार भाजपा 155 जागांवर आघाडीवर आहे. काँग्रेस 19 आणि आम आदमी पार्टी 5 जागांवर आघाडीवर आहे. गुजरातच्या या निवडणुकीत काही हाय प्रोफाइल लढतींकडे विशेष लक्ष आहे. यात विरामगामची एक निवडणूक आहे.

विरामगाममधून कोण जिंकलं?

पाटीदार आरक्षण आंदोलनाचा नेता हार्दिक पटेलने विरामगाम विधानसभा मतदारसंघातून निवडणूक जिंकली आहे. तो भाजपाच्या तिकीटावर निवडणूक लढवत होता. जून महिन्यात त्याने काँग्रेससोडून भाजपामध्ये प्रवेश केला होता. काँग्रेस उमेदवार लाखा भारवाड विरोधात तो निवडणूक लढवत होता, लाखा भारावाड ओबीसी उमेदवार आहे. मागच्या दोन टर्मपासून ते विरामगाममधून आमदार होते. आपकडून अमरसिंह ठाकोर यांना उमेदवारी दिली होती. हार्दिक पटेलकडे 60 हजारपेक्षा जास्त मतांची आघाडी होती.