गोविंदाच्या या गाण्याने लोकांना शिकवलेल्या चुकीच्या गोष्टी, तरीही गाणं ठरलेलं सुपरहिट

90 च्या दशकात अभिनेता गोविंदा हा प्रत्येक वयोगटातील प्रेक्षकांचा लाडका स्टार होता. त्याचा भन्नाट डान्स, जबरदस्त एनर्जी आणि गाण्यांमधील हटके अंदाजाची त्या काळातील तरुणाई अक्षरशः चाहती होती. गोविंदाच्या अनेक गाण्यांनी लोकप्रियतेचे नवे विक्रम केले. यापैकीच एक म्हणजे ‘मेरी मर्जी’.

1995 मध्ये प्रदर्शित झालेल्या ‘गॅम्बलर’ या चित्रपटातील हे गाणं त्यावेळी प्रचंड लोकप्रिय झालं होतं. गोविंदाचा एनर्जेटिक डान्स आणि अनु मलिक यांचं कॅची संगीत यामुळे गाण्याला वेगळीच रंगत आली. विशेष म्हणजे देवांग पटेल यांच्या आवाजातील हटके रॅप सीनमुळे हे गाणं अधिक मजेदार बनवलं.

मजेशीर पण हटके होते गाण्याचे बोल

‘मेरी मर्जी’च्या बोलांमध्ये विनोद, अतिशयोक्ती आणि नियम झुगारण्याचा अंदाज पाहायला मिळतो. ‘मैं चाहे ये करूं, मैं चाहे वो करूं’ अशा ओळींमधून आपल्या मनाप्रमाणे काहीही करण्याचा मजेशीर अंदाज मांडण्यात आला होता. गाण्यातील काही ओळी जाणीवपूर्वक बेताल आणि नियम मोडण्याची भाषा करणाऱ्या होत्या. त्यामुळे त्या काळातील मुलांनाही हे गाणं विशेष आवडत असे.

गोविंदाच्या सिग्नेचर डान्स स्टेप्स आणि त्याची जबरदस्त एनर्जी यामुळे गाणं पडद्यावर अधिकच खुलून दिसलं. विनय दावे यांच्या शब्दांना देवांग पटेल यांच्या आवाजाची साथ आणि अनु मलिक यांच्या संगीताची जोड मिळाल्याने ‘मेरी मर्जी’ ९०च्या दशकातील लक्षात राहिलेल्या गाण्यांपैकी एक ठरलं.

चित्रपट मात्र बॉक्स ऑफिसवर ठरला अपयशी

‘गॅम्बलर’ हा चित्रपट 8 डिसेंबर 1995 रोजी प्रदर्शित झाला होता. दयाल निहलानी दिग्दर्शित या चित्रपटात गोविंदा याच्यासोबत शिल्पा शेट्टी आणि आदित्य पंचोली यांनी महत्त्वाच्या भूमिका साकारल्या होत्या. चित्रपटाचं बजेट सुमारे 5.50 कोटी रुपये होतं. बॉक्स ऑफिसवर चित्रपटाला अपेक्षित यश मिळालं नाही; मात्र ‘मेरी मर्जी’ या गाण्याने स्वतंत्र ओळख निर्माण केली.

90 च्या दशकातील मुलांच्या आठवणींमध्ये आजही हे गाणं कायम आहे. गोविंदाचा भन्नाट डान्स, देवांग पटेल यांची हटके गायकी, अनु मलिक यांचं कॅची संगीत आणि विनय दावे यांचे मजेशीर बोल यामुळे जवळपास तीन दशकांनंतरही ‘मेरी मर्जी’ची चर्चा होताना दिसते.