बिग बॉस हा स्क्रिप्टेड शो, सगळं फेक, प्रेक्षकांनी थेट Video शेअर करत केला मोठा खुलासा
बिग बॉस 20 मधील एक व्हिडीओ सध्या सोशल मीडियावर प्रचंड व्हायरल होत आहे. ज्यामधील सीन पाहून प्रेक्षकांनी हा शो स्क्रिप्टेड असल्याचा दावा केला आहे. नेमकं व्हिडीओमध्ये काय?
‘बिग बॉस 20’ शोला काही दिवसांपूर्वीच सुरुवात झाली असून ह्या शोमधील काही व्हिडीओ सध्या सोशल मीडियावर मोठ्या प्रमाणात व्हायरल होत आहेत. अशातच आता बिग बॉस 20 मधील एक व्हिडीओ तुफान चर्चेत आला आहे. सोशल मीडियावर व्हायरल होत असलेल्या या व्हिडीओमुळे शोच्या स्क्रिप्टेड असण्यावरून नवा वाद निर्माण झाला आहे. दोन स्पर्धकांमध्ये संवाद सुरू असताना पाठीमागे बसलेले दोन स्पर्धक अचानक गायब झाल्याचा दावा या व्हिडीओच्या माध्यमातून प्रेक्षकांनी केला आहे.
नेमकं व्हिडीओमध्ये काय दिसतं?
सोशल मीडियावर व्हायरल होत असलेल्या या व्हिडीओमध्ये बिग बॉस 20 च्या घरातील दोन स्पर्धक एकमेकांशी मोकळ्या जागेत संवाद साधताना दिसत आहेत. यावेळी त्यांच्या पाठीमागे दोन स्पर्धक बसलेले असल्याचं पाहायला मिळतं. मात्र, व्हिडीओ पुढे सरकत असताना हे दोन्ही स्पर्धक अचानक दिसेनासे झाल्याचा दावा नेटकऱ्यांनी केला आहे.
याच मुद्द्यावरून काही प्रेक्षकांनी शोच्या एडिटिंगवर आणि संपूर्ण प्रक्रियेवर प्रश्न उपस्थित केले आहेत. व्हिडीओमधील या दृश्याचा आधार घेत काही जण ‘बिग बॉस’ हा शो स्क्रिप्टेड असल्याचं म्हणत आहेत. या आधी देखील अनेक कलाकार आणि प्रेक्षकांनी अशाच चुका दाखवत हा शो स्क्रिप्टेड असल्याचं म्हटलं होतं.
प्रेक्षकांच्या प्रतिक्रिया काय?
हा व्हिडीओ सोशल मीडियावर व्हायरल झाल्यानंतर प्रेक्षकांनी कमेंट्सच्या माध्यमातून आपल्या प्रतिक्रिया व्यक्त केल्या आहेत. काही नेटकऱ्यांनी शोच्या सत्यतेवर प्रश्नचिन्ह उपस्थित केलं आहे, तर काहींनी व्हिडीओमधील सीन एडिटिंगमुळे किंवा कॅमेऱ्याच्या अँगलमुळे बदललेलं असू शकतं, अशी शक्यताही व्यक्त केली आहे.
View this post on Instagram
दरम्यान, या व्हिडीओच्या आधारे बिग बॉस शो स्क्रिप्टेड असल्याचं निश्चितपणे सिद्ध होत नाही. व्हिडीओचा संपूर्ण संदर्भ, शूटिंगची प्रक्रिया आणि एडिटिंग याबाबत अधिकृत स्पष्टीकरण समोर आलेलं नसल्यास या दाव्यांकडे सावधपणे पाहणं आवश्यक आहे. सध्या ‘बिग बॉस 20’ संदर्भातील हा व्हिडीओ सोशल मीडियावर चर्चेत असून, प्रेक्षकांच्या प्रतिक्रियांमुळे या मुद्द्याला आणखी हवा मिळत आहे.
