बॉलिवूडच्या सर्वात सुंदर अभिनेत्रीचा घटस्फोट, पतीसोबत थेट काडीमोड; पोस्ट करून केलं जगजाहीर!

Mouni Roy Divorce : बॉलिवूडमधील प्रसिद्ध अभिनेत्री मौनी रॉयने मोठा निर्णय घेतला आहे. मौनीने आणि तिचा पती सूरज नामबियार यांनी सहमतीने घटस्फोट घेण्याचे ठरवले आहे. विशेष म्हणजे खुद्द नौनी आणि सूरज यांनी एकत्रितपणे सोशल मीडियावर याबाबत पोस्ट केली आहे. या पोस्टमध्ये मौनीने आपल्या नात्याबद्दल तसेच घटस्फोटबद्दल सांगितलं आहे. सोबतच आमच्या वैयक्तिक जीवनाचा आदर करावा. खोट्या बातम्या पसरवू नये, असे आवाहनही तिने केले आहे..

मौनी रायने आपल्या पोस्टमध्ये काय सांगितले आहे?

मौनी रायने आपल्या पोस्टमध्ये ‘काही माध्यमे आमच्या वैयक्तिक आयुष्याबाबत अनावश्यक बातम्या देत आहेत. हे सगळं पाहून आम्ही निराश आहोत. मी आणि सूरजने विभक्त होण्याचा निर्णय घेतलेला आहे. विभक्त होण्याच्या प्रक्रियेवर सध्या पुरेसा वेळ घेत आहोत,’ अशी माहिती मौनी रॉयने दिली आहे.

एकमताने विभक्त होण्याचा निर्णय

तसेच, आमच्या वैयक्तिक आयुष्याबद्दल सनसनाटी घडवून आण्याचा प्रयत्न केला गेला. त्यासाठी खोट्या आणि चुकीचा नरेटिव्ह पसरवला गेला. समोर आलेल्या बातम्या किंवा अफवा हे आमचं खरं आयुष्य प्रतिबिंबित करत नाहीत. आम्ही दोघांनीही विचार करून आदरपूर्वक, एकमताने विभक्त होण्याचा निर्णय घेतलेला आहे, असेही मौनी रॉयने स्पष्ट केले आहे.

आमच्या निर्णयाचा सन्मान करा, खोटे दावे पसरवू नका

मौनी रॉयने लोकांना आमची प्रायव्हसी जपावी, असेही आवाहन केले आहे. माझ्याविषयी तसेच सूरजविषयी कोणतीही खोटी बातमी, खोटे दावे पसरवू नका. या कठीण काळात आमच्या खासगीपणाचा सन्मान करा, असेही आवाहन मौनीने केले आहे.