Raju Srivastava health update: 35 दिवसानंतर राजू श्रीवास्तवच्या प्रकृतीबाबत डॉक्टरांनी दिली महत्त्वाची अपडेट

प्रसिद्ध कॉमेडियन राजू श्रीवास्तव (Comedian Raju Srivastava)यांच्या प्रकृतीबाबत(Health) दररोज नवनवीन अपडेट्स समोर येत आहेत. त्यांना रुग्णालयात   (Hospital) दाखल करून 35  दिवस झालेत. मात्र अद्यापही ते शुद्धीवर आलेले नाही. डॉक्टर सतत त्याच्यावर लक्ष ठेवून आहेत. राजू श्रीवास्तव यांचा मेंदू कार्यक्षम नाही, त्यामुळे ते शुद्धीवर येऊ शकले नाहीत. आणि ते शुद्धीवर येईपर्यंत काही सांगता येत डॉक्टरांना काही सांगता येत नाही.

राजूच्या प्रकृतीत कोणतीही सुधारणा नाही

राजू श्रीवास्तव यांना शुद्धीवर आणण्यासाठी डॉक्टर सर्वतोपरी प्रयत्न करत आहेत, मात्र त्यांच्या प्रकृतीत कोणतीही सुधारणा होत नाही. त्यांच्यावर 35 दिवसांपासून उपचार सुरू आहेत. त्यांना व्हेंटिलेटरवर ठेवण्यात आले आहे. डॉक्टरांच्या म्हणण्यानुसार, त्याच्या उपचारात कोणतीही कसर केली , आम्हाला त्याच्या प्रकृतीत कोणतीही सुधारणा झालेली दिसून येत नाही.

 कुटुंबीय चिंतेत

राजूच्या कुटुंबीयांना डॉक्टरांवर पूर्ण विश्वास आहे , की ते त्याला लवकरच बरे करतील. राजू श्रीवास्तव यांचे कुटुंबीय, जवळचे मित्र आणि चाहते त्यांच्यासाठी सतत प्रार्थना करत आहेत. राजू श्रीवास्तव यांच्या भावाने सांगितले की, 10 ऑगस्टपासून राजूला रुग्णालयात दाखल करण्यात आले आहे . मात्र चिंताही वाढत आहे, तरीही त्यांचा डॉक्टरांवर पूर्ण विश्वास आहे. काहीतरी चमत्कार घडेल, सर्व व्यवस्थित होईल अशी आशा त्यांना आहे.

अलीकडेच राजूला संसर्ग झाला होता

वास्तविक, राजू श्रीवास्तव यांच्या मेंदूशिवाय शरीराचे इतर सर्व अवयव पूर्णपणे ठीक आहेत. नुकताच त्यांना संसर्गामुळे ताप आला होता. डॉक्टर संसर्गाशी संबंधित शंका दूर करण्याचा प्रयत्न करत होते. त्याच्या जवळच्या लोकांनाही जाण्यापासून रोखण्यात आले. यासोबतच त्यांच्या व्हेंटिलेटरचा पाईपही बदलण्यात आला. 10 ऑगस्ट रोजी राजू श्रीवास्तव जिममध्ये व्यायाम करताना पडले होते, त्यानंतर तेथील लोकांनी त्यांना उचलून रुग्णालयात दाखल केले. रुग्णालयात दाखल होताच त्यांची अँजिओप्लास्टी करण्यात आली. तेव्हापासून त्यांच्यावर उपचार सुरु आहेत.