जाऊन हे तुझ्या बायकोला सुनव.. पापाराझीच्या कमेंटवर अंजली आनंद भडकली; कॅमेऱ्यासमोरच घेतली शाळा

अभिनेत्री  अंजली आनंद ही टीव्ही आणि बॉलिवूडमधील नावाजलेला चेहरा आहे. तिने अनेक टीव्ही शोज तसेच चित्रपटांमध्ये काम केलं आहे. रणवीर सिंह आणि आलिया भट्ट च्या ‘रॉकी और रानी की प्रेम कहानी’ चित्रपटातलं तिजं काम, तिची भूमिकाही गाजली. याच अंजली आनंदचा एक व्हिडीओ सध्या सोशल मीडियावर वाऱ्याच्या वेगाने व्हायरल झालाय. या व्हिडीओमध्ये तिच्यासोबत ‘बिग बॉस’ फेम शिव ठाकरेही दिसला. दोघेही त्यांच्या मित्र-मंडळींसोबत बाहेर गेले होते आणि एकाच कारमध्ये दिसले. यावेळी पापाराझींनी त्याचे फोटो चिपले. अंजली सर्वांशी हसून बोलत होती. मात्र जाता-जाता एका पापाराझीने तिच्यावर अशी कमेंट् केली की अंजलीचा राग अनावर झाला. क्षणभरााचाही वेळ न दवडता अंजलीने तिथल्या तिथे कॅमेरासमोरच त्या पापाराझीला फटकरालं आणि थेट सुनावलं. असं काय म्हणालसी अंजली ? तिथे नेमकं काय घडलं होतं ?

अंजली ही तिच्या अभिनयासाठी ओळखली जाते. अनेक चित्रपट, मालिकांमध्ये काम केलेल्यान अंजलीने अनेक बेध़क विधानंही केली. ती बॉडी पॉझिटिव्हीटबद्दल बोलते आणि स्पष्टवक्तेपणासाठी फेमस आहे.

शिव ठाकरेसोबत दिसली अंजली

इतर मित्र-मंडळींना भेटून अंजली आणि शिव ठाकरे नइघाले, ते कारमध्ये बसत होते, तेव्हा वातावरण एकदम छान, हलकंफुलकं होतं. कारमध्ये बसताना अंजलीने शिवला मजेत म्हटलं तू मध्ये बस, त्यावर पापाराझी तिला म्हणाले, तुम्हीही आत बसा. यावर अंजली म्हणली मी त्याच्यापेक्षा थोडी जास्त उंच आहे ना. तर शिव ठाकरेनेही त्याच्या मैत्रीणीच्या आगामी फिल्मचं प्रमोशन केलं. अंजलीचा पिक्चर येतोय, तुम्ही सगळे तो नक्की बघा , असंही त्याने सांगितलं.

पापाराझीच्या कमेंटवर भडकली अन्..

शिव ठाकरे कारमध्ये बसला, त्याच्या मागोमाग अंजली कारमध्ये बसत होती, मात्र तेव्हाच एका पापाराझीने कमेंट केली. शिव भाईला दाबून टाकू नका, असं तो तिला मजेत म्हणाला. मात्र पापाराझीचं हे बोलणं अंजलीला बिलकूल आवडलं नाही आणि तिच्या रागाचा पारा चढला. तिने तिथल्या तिथे त्याला फटकारलं आणि जाऊन हे बॉडी शेमिंग तुझ्या बायकोसोबत कर – अस तिने त्याला सुनावलं.

त्यानंतर रागाच्या भरातच असलेल्या अंजलीने ड्रायव्हरला कार चालवण्यास सांगितली आणि ती तिथून निघून गेली. अंजलीचं हे थेट प्रत्युत्तर, तिचा व्हिडीओ समोर आला असून सोशल मीडियावर खूप व्हायरल झालाय. पापाराझींच्या कमेंटवर अंजलीने सुनावल्या बद्दल अनेकांनी तिला पाठिंबा दर्शवला आहे.