‘रात्री उशिरापर्यंत मी तिच्यासोबत…’; मलायकासोबतच्या त्या खासगी क्षणांबाबत अर्जुन कपूरचा मोठा खुलासा

बॉलिवूडमध्ये असे अनेक कपल्स आहेत की त्यांची जोडी त्यांच्या चाहत्यांना खूप आवडते, अशा जोडप्यांना त्यांचे चाहाते भरभरून प्रेम देतात. आपल्या आवडत्या अभिनेत्याची किंवा अभिनेत्रीची जोडी अशीच कायम राहावी अशी त्यांची इच्छा असते. यातील अनेक जोडपी ही दीर्घकाळ एकत्र राहातात, मात्र काही जोडपी ही वेगवेगळ्या कारणांमुळे एकमेकांपासून विभक्त होतात. अशीच एक जोडी म्हणजे अर्जून कपूर आणि मलायका अरोरा यांची आहे. नुकत्याच एका मुलाखतीमध्ये आपण सिंगल असल्याचं वक्तव्य अर्जुन कपूर याने केलं आहे, यावरून आता चर्चेला उधाण आलं आहे. या मुलाखतीमध्ये बोलताना त्यानं मलायका अरोरा आणि त्याच्या खासगी नात्याविषयी देखील अनेक खुलासे केले आहेत.

अर्जुन कपूरचा मोठा खुलासा

अर्जुन कपूरने त्याचा चित्रपट ‘सिंघम अगेन’च्या प्रमोशनवेळी एका मुलाखतीमध्ये बोलताना मोठा खुलासा केला आहे. मी आता सिंगल असल्याचं त्यानं म्हटलं होतं. त्याचं हे वक्तव्य सोशल मीडियावर प्रचंड व्हायरल झालं. त्यानंतर आणखी एका मुलाखतीमध्ये बोलताना त्यानं मलायका अरोर आणि त्याच्यामधील खासगी क्षणांबाबत देखील अनेक खुलासे केले. त्याने म्हटलं की मी अर्ध्या रात्रीसुद्धा माझ्या गर्लफ्रेन्डला मेसेज करायचो.

मॅशेबल इंडियाला दिलेल्या मुलाखतीमध्ये अर्जुन कपूरला असा प्रश्न विचारण्यात आला होता की तू तुझ्या प्रेयसीला रात्री उशिरापर्यंत मेसेज केले आहेस का? यावर अर्जुन कपूरने हसून उत्तर दिलं की, हो मी माझ्या प्रेयसील मध्यरात्री देखील मेसेज करायचो. त्यानंतर हाच प्रश्न अर्जुन कपूरने तेथे उपस्थित असेलेल्या ऑडियन्सला देखील केला की, कोण आहे असं ज्याने रात्री उशिरा आपल्या प्रेयसीला मेसेज केला नाही, अर्जुनच्या या प्रश्नावर ऑडियन्सने देखील हसून प्रतिक्रिया दिली.

मात्र अर्जुन कपूरने जी मुलाखत दिली त्यातून ही गोष्ट स्पष्ट होऊ शकली नाही की अर्जुन कपूर हा मलायकाला ब्रेकपनंतर देखील मेसेज करत होता, की ब्रेकअप होण्याच्या आधी. याबाबत त्याने कोणताही खुलासा केलेला नाही.