Drugs Case | चौकशीची दुसरी फेरी, गॅब्रिएला पुन्हा एनसीबी कार्यालयात दाखल!

मुंबई : बॉलिवूड ड्रग्ज कनेक्शन प्रकरणी (Drugs Case) एनसीबीची धडक कारवाई अद्याप सुरूच आहे. अर्जुन रामपालची (Arjun Rampal) लिव्ह-इन पार्टनर गॅब्रिएला डेमेट्रियड्सला (Gabriella demetriades) शुक्रवारी (12 नोव्हेंबर) पुन्हा एकदा चौकशीसाठी पाचारण करण्यात आले आहे. एनसीबीच्या समन्सनुसार गॅब्रिएला डेमेट्रियड्स चौकशीच्या दुसऱ्या फेरीसाठी एनसीबी कार्यालयात (NCB Office) दाखल झाली आहे. आज (12 नोव्हेंबर) पुन्हा एकदा तिला प्रश्नोत्तरे केली जाणार आहेत. तर, शुक्रवारी अर्जुन रामपालची चौकशी होणार आहे (Arjun rampal’s girlfriend Gabriella demetriades arrives at ncb office for second part of prob).

Actor Arjun Rampal’s partner Gabriella Demetriades appears before Narcotics Control Bureau in Mumbai for second day as part of probe into alleged drug use in Bollywood

— Press Trust of India (@PTI_News) November 12, 2020

बुधवारी (11 नोव्हेंबर) तब्बल 6 तासांच्या चौकशीनंतर गॅब्रिएला एनसीबी कार्यालयातून बाहेर पडली होती. यावेळी पुन्हा एकदा गॅब्रिएलाची चौकशी होण्याची शक्यता वर्वण्यात आली होती. बॉलिवूड ड्रग्ज प्रकरणी अभिनेता अर्जुन रामपाल आणि त्यांची लिव्ह-इन पार्टनर गॅब्रिएला डेमेट्रियड्स यांना एनसीबीने चौकशीसाठी समन्स बजावले होते.

या समन्सनुसार अर्जुन आणि गॅब्रिएलाला 11 नोव्हेंबरपर्यंत चौकशीसाठी हजर व्हायचे होते. आज (11 नोव्हेंबर) अर्जुन रामपालची चौकशी होण्याचा अंदाज वर्तवला जात होता. मात्र, गॅब्रिएला एकटीच एनसीबी कार्यालयात दाखल झाली होती. यावेळी अर्जुन रामपाल गैरहजर असल्याने अनेक प्रश्न उपस्थित केले जात होते. मात्र, आता शुक्रवारी (13 नोव्हेंबर) अर्जुन रामपालची चौकशी होणार असल्याचे कळते आहे (Arjun rampal’s girlfriend Gabriella demetriades arrives at ncb office for second part of prob).

एनसीबीची मोठी कारवाई

सोमवारी (9 नोव्हेंबर) अर्जुन रामपालच्या घरावर आणि आसपासच्या परिसरावर एनसीबी पथकाने छापा टाकला होता. या धाडीत अर्जुन रामपालच्या घराची तपासणी करण्यात आली. या दरम्यान त्याच्या घरातून अनेक कागदपत्रे आणि वस्तू जप्त करण्यात आल्या आहेत. तब्बल 7 ते 8 तास हे धाडसत्र सुरू होते. त्यानंतर एनसीबी अधिकाऱ्यांनी अनेक संशयास्पद वस्तू जप्त केल्या. तसेच, अर्जुनच्या वाहन चालकाला ताब्यात घेतल्याचे कळते आहे.

ड्रग्ज प्रकरणात अर्जुनच्या मेहुण्याचे नाव

या आधी एनसीबीने अर्जुन रामपालची गर्लफ्रेंड गॅब्रिएला डेमेट्रियड्सच्या भावाला ताब्यात घेतले होते. तपासादरम्यान त्याचे नाव समोर आल्याने अ‍ॅगिसिलोस डेमेट्रियड्सला अटक करण्यात आली असल्याचे एनसीबी अधिकाऱ्यांनी सांगितले होते.

दक्षिण अफिकेचा नागरिक असलेला अ‍ॅगिसिलोस एनसीबी अधिकाऱ्यांनी अटक केलेल्या ड्रग्ज तस्काराच्या संपर्कात होता. त्याचे नाव समोर आल्याने त्याला स्थानिक न्यायालयासमोर हजार करण्यात आले होते. त्यानंतर त्याला पोलीस कोठडी सुनावण्यात आली. मात्र, आता त्याची जामिनावर सुटका करण्यात आली आहे.

(Arjun rampal’s girlfriend Gabriella demetriades arrives at ncb office for second part of prob)