Bigg Boss 16 | प्रेक्षकांना खुश करण्याच्या नादात तमाशा; डान्स करताना शालीन-अर्चना स्टेजवरच कोसळले
यावेळी घरातील स्पर्धक नाही तर बाहेरून आलेली जनता टॉप 5 स्पर्धकांची निवड करणार आहे. म्हणजेच घरात पुन्हा एकदा सामान्य जनता येणार आहे आणि आपल्या आवडत्या स्पर्धकाला मत देऊन त्यांना नॉमिनेशनपासून सुरक्षित करणार आहे.
मुंबई: बिग बॉसच्या सोळाव्या सिझनचा शेवटचा आठवडा सुरू झाला आहे. अशातच या संपूर्ण आठवड्यात घरात असलेल्या स्पर्धकांना एकानंतर एक धक्कादायक गोष्टी पहायला मिळतील. आज (सोमवार) दर आठवड्यानुसार या शोमध्ये नॉमिनेशन डे पार पडणार आहे. मात्र यावेळी नॉमिनेशन फार वेगळं असेल. कारण यावेळी घरातील स्पर्धक नाही तर बाहेरून आलेली जनता टॉप 5 स्पर्धकांची निवड करणार आहे. म्हणजेच घरात पुन्हा एकदा सामान्य जनता येणार आहे आणि आपल्या आवडत्या स्पर्धकाला मत देऊन त्यांना नॉमिनेशनपासून सुरक्षित करणार आहे.
बिग बॉस 16 चा नवीन प्रोमो नुकताच सोशल मीडियावर पोस्ट करण्यात आला आहे. हा प्रोमो पाहिल्यानंतर चाहत्यांची उत्सुकता आणखी वाढली आहे. या प्रोमोमध्ये पहायला मिळतंय की एक-एक स्पर्धक स्टेजवर येऊन आपली ‘मन की बात’ प्रेक्षकांपर्यंत पोहोचवण्याचा प्रयत्न करत आहेत.
अर्चना सर्वांना नमस्ते करत म्हणते की सुरुवातीपासून ती एकटीच हा खेळ खेळत आली आहे. तर शिव म्हणतो की मला तुम्हा सर्वांचं फक्त प्रेम हवंय. या शोमध्ये भाग घेण्याच्या आधीच विचार पक्का केला होता की जे करेन ते मनापासून करेन, असं प्रियांका चहर चौधरी म्हणाली.
पहा व्हिडीओ-
#BiggBoss16 Promo Mid Week Eviction Ghar mai aaye Fans Ne Kiya Contestant Ko Eviction #BB16 #BiggBoss #MCStan#ShivThakare #ShalinBhanot#ArchanaGautam #NimritKaurAhluwalia#PriyankaChaharChoudhary pic.twitter.com/yTNQE788rG
— suroor hussain (@suroorhussain72) February 5, 2023
बिग बॉसच्या घरातील स्पर्धक हे प्रेक्षकांना खुश करण्यासाठी डान्ससुद्धा करताना दिसतात. यादरम्यान शालीन भनोट आणि अर्चना गौतमसुद्धा डान्स करतात. मात्र उत्साहाच्या भरात दोघांचा तोल जातो आणि डान्स करता करता दोघं स्टेजवरच कोसळतात. या दोघांना पडताना पाहून सर्वजण जोरजोरात हसू लागतात.
बिग बॉसच्या घरातील ज्या स्पर्धकाला सर्वांत कमी मतं मिळतील, तो घराबाहेर जाईल. म्हणजेच ग्रँड फिनालेच्या अगदी जवळ येऊन एका स्पर्धकाचा प्रवास संपणार आहे. घरातून बाहेर पडणारा हा स्पर्धक अर्चना गौतम किंवा शालीन भनोट असू शकतो, असा अंदाज सोशल मीडियावर वर्तवला जात आहे. त्यामुळे या शोमध्ये पुढे काय होणार, हे पाहणं औत्सुक्याचं ठरणार आहे.
सध्या बिग बॉसच्या घरात सहा सदस्य राहिले आहेत. यामध्ये शालीन भनोट, शिव ठाकरे, प्रियांचा चहर चौधरी, अर्चना गौतम, एमसी स्टॅन आणि निमृत कौर आहलुवालिया यांचा समावेश आहे.
