Confirm आहे अंकिता लोखंडेची प्रेग्नेंसी? ‘बिग बॉस 17’ मधून बाहेर आलेल्या स्पर्धकाचा मोठा खुलासा

मुंबई | 22 नोव्हेंबर 2023 : ‘पवित्र रिश्ता’ फेम अभिनेत्री अंकिता लोखंडे (Ankita Lokhande) कायम तिच्या खासगी आणि प्रोफेशनल आयुष्यामुळे चर्चेत असते. पण गेल्या काही दिवसांपासून अभिनेत्री ‘बिग बॉस 17’ मुळे चर्चेत आहे. शोमधील अंकिता आणि पती विकी जैन (Vicky Jain) यांच्यातील वाद सोशल मीडियावर तुफान व्हायरल होत आहेत. एवढंच नाही तर, अभिनेत्री कायम एक्स-बॉयफ्रेंड सुशांत सिंह राजपूत (Sushant Singh Rajput) याच्याबद्दल मोठे खुलासे करताना दिसत आहे. पण आता आभिनेत्री तिच्या प्रेग्नेंसीमुळे चर्चेत आली आहे. दरम्यान, खुद्द अंकिता हिने गरोदर असल्याचा अंदाज शोमध्ये वर्तवला आहे.

अंकिता हिने अंदाज व्यक्त केल्यानंतर ‘बिग बॉस 17’ मधून बाहेर आलेला स्पर्धक नावीद सोले (Navid Sole) याने रंगणाऱ्या चर्चांवर मोठं वक्तव्य केलं आहे. शोमधून बाहेर आल्यानंतर नावीद सोले सतत अनेक मुलाखती देताना दिसत आहे. नुकताच झालेल्या मुलाखतीत नावीद सोले याने मोठा खुलासा केला आहे.

मुलाखतीत नावीद सोले याला ‘अंकिता लोखंडे गरोदर आहे का?’ असा प्रश्न विचारण्यात आला. यावर नावीद सोले म्हणाला, ‘प्रत्येक गोष्ट सध्या योग्य मार्गाने जात आहे. अंकिता मला वचन दिलं आहे की, ति मला तिच्या मुलांची नावे ठेवून देईल… हिंदी आणि वेस्टर्न मिळून आम्ही नावे तयार करणार आहोत… पण योग्य वेळ आल्यानंतर मी खुलासा करेल…’ असं देखील नावीद सोले म्हणाला.

सध्या सर्वत्र फक्त आणि फक्त नावीद सोले यांच्या नावाची चर्चा रंगली आहे. सांगायचं झालं तर, गेल्या आठवड्यात प्रकृती ठिक नसल्याची गोष्ट अंकिता पती विकी जैन याला सांगत होती. दरम्यान, ‘शोमध्ये प्रेग्नेंसी चाचणी सुरु आहे. रक्त तपासणी देखील करण्यात आली आहे..’ पण तपासात काय समोर आलं.. याबद्दल अभिनेत्रीने खुलासा केलेला नाही. चाहते देखील अभिनेत्रीच्या उत्तराच्या प्रतीक्षेत आहेत…

अंकिता लोखंडे हिच्या लोकप्रियतेत  पवित्र रिश्ता मालिकेच्या माध्यमातून वाढ झाली. अंकिता हिने अनेक सिनेमांमध्ये देखील काम केलं.. पण अभिनेत्री स्वतःचा ठसा उमटवू शकली नाही. सध्या अभिनेत्री ‘बिग बॉस 17’ मुळे चर्चेत आली आहे.