बिग बॉस 19 च्या स्पर्धकांची यादी समोर? अनेक नावे जाणून नक्कीच धक्का बसेल
सलमान खानचा प्रसिद्ध रिअॅलिटी शो बिग बॉस 19 पाहण्यासाठी सगळेच उत्सुक आहेत. यावेळी हा शो 24 ऑगस्ट रोजी प्रीमियर होणार आहे. या शोमध्ये कोणते स्टार स्पर्धक बनू शकतात याबद्दल अनेक नावे समोर येत आहेत.त्याची एक यादी देखील समोर आली आहे.चला जाणून घेऊयात.
सर्वात मोठा रिअॅलिटी शो ‘बिग बॉस’ त्याच्या 19 व्या सीझनची प्रेक्षकांमध्ये फार उत्सुकता आहे. शो सुरू होण्यापूर्वीच सलमान खानच्या या शोबद्दल बरीच चर्चा सुरू आहे आणि दरम्यान सोशल मीडियावर एक यादी मोठ्या प्रमाणात व्हायरल होत आहे, ज्यामध्ये असा दावा केला जात आहे की यावर्षी ‘बिग बॉस’च्या घरात प्रवेश करणाऱ्या 18 संभाव्य स्पर्धकांची नावे या यादीत आहेत.
‘बिग बॉस’च्या निर्मात्यांनी अद्याप कोणत्याही नावाची अधिकृतपणे पुष्टी केलेली नसली तरी, ही यादी चाहत्यांमध्ये उत्सुकता वाढवत आहे. यामध्ये काही नावांचा समावेश आहे ज्यांच्याबद्दल जाणून प्रेक्षकांना देखील नक्कीच आश्चर्य वाटेल. ज्यामुळे हा सीझन खूपच मसालेदार असण्याची अपेक्षा आहे.
कोणत्या स्पर्धकांना समाविष्ट करता येईल ते जाणून घ्या
व्हायरल होत असलेल्या या यादीनुसार, टीव्ही, चित्रपट आणि सोशल मीडिया जगतातील अनेक प्रसिद्ध चेहरे ‘बिग बॉस 19’ मध्ये दिसू शकतात. या नावांमध्ये गौरव खन्ना, पायल धरे, अश्नूर कौर, झीशान कादरी, बशीर अली, आवाज दरबार, नगमा मिरजकर, शिवेत तोमर, अनया बांगर, तान्या मित्तल, अभिषेक बजाज, शफाक नाज, हुनर हाली, नयनदीप रक्षित, अली काशिफ खान देशमुख, अतुल किदवा, शाहुल किदवा, अली काशिफ खान देशमुख आणि अत्युल किदशाह यांचा समावेश आहे. ही यादी खरी ठरली तर हा सीझन मनोरंजनासोबतच नाटक आणि वादही घेऊन येईल.
काही नावे वादांशी संबंधित आहेत
या यादीत समाविष्ट असलेली काही नावे यापूर्वीही मोठ्या वादात सापडली आहेत. ‘ गँग्स ऑफ वासेपूर’चे लेखक झीशान कादरी यांच्यावर एका निर्मात्याला 1.25 कोटी रुपयांची फसवणूक केल्याचा आरोप होता. त्याच वेळी, रिअॅलिटी शो ‘स्प्लिट्सव्हिला’ आणि ‘रोडीज’ फेम ‘कुंडली भाग्य’ अभिनेता बशीर अलीवर एक्स गर्लफ्रेंडने ‘टॉक्सिक’ असल्याचा आरोप केला होता.
बिग बॉस 19 मध्ये सामील होणारे सर्वात धक्कादायक नाव
बिग बॉस 19 मध्ये सामील होणारे सर्वात धक्कादायक नाव म्हणजे सेलिब्रिटी वकील अली काशिफ खान देशमुख यांचे, ज्यांच्यावर एका महिलेवर बलात्कार आणि पैसे उकळण्याचा आरोप होता. या वादांव्यतिरिक्त, टीव्ही अभिनेत्री शफक नाज हिचा भाऊ शीजान खानचे नाव तुनिषा शर्मा आत्महत्या प्रकरणाशी जोडले गेले आहे. तर हुनर हाली पती मयंक गांधीपासून घटस्फोटाच्या वृत्तांमुळे चर्चेत होती. हे सर्व वाद पुन्हा एकदा शोच्या घरात पाहायला मिळू शकतात.
सर्व नावांचे सत्य 24 ऑगस्ट उघड होईल
सध्या तरी, या सर्व नावांचे सत्य 24 ऑगस्ट रोजीच उघड होईल, जेव्हा ‘बिग बॉस’चे निर्माते अधिकृतपणे स्पर्धकांची घोषणा करतील. आता व्हायरल यादीतील किती नावे बरोबर ठरतात आणि यावर्षी सलमान खानच्या घरात कोणता नवीन ड्रामा पाहायला मिळतोय हे पाहणे रंजक ठरणार आहे.
