AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Bigg Boss Marathi 5: ‘यापुढे हा शो बघणार नाही’; रितेश देशमुखवर का भडकले प्रेक्षक?

'बिग बॉस मराठी 5'च्या नुकत्याच पार पडलेल्या 'भाऊचा धक्का' एपिसोडवर प्रेक्षक चांगलेच नाराज झाले आहेत. रितेश नेहमीच निक्की तांबोळीची बाजू घेतो, असं प्रेक्षकांना वाटतंय. म्हणूनच त्यांनी प्रोमोवर कमेंट करत तीव्र नाराजी व्यक्त केली आहे.

Bigg Boss Marathi 5: 'यापुढे हा शो बघणार नाही'; रितेश देशमुखवर का भडकले प्रेक्षक?
रितेश देशमुखImage Credit source: Instagram
| Updated on: Sep 02, 2024 | 10:39 AM
Share

बिग बॉस मराठीचा पाचवा सिझन सध्या चांगलाच चर्चेत आहे. यंदाच्या सिझनचं सूत्रसंचालन पहिल्यांदाच अभिनेता रितेश देशमुख करतोय. सुरुवातीला रितेशचा अंदाज प्रेक्षकांच्या पसंतीस पडला होता. ‘भाऊचा धक्का’ या त्याच्या एपिसोडलाही रेकॉर्डब्रेक टीआरपी मिळाला होता. मात्र आता रितेशवर बिग बॉस मराठीचे प्रेक्षक चांगलेच नाराज झाले आहेत. नुकत्याच पार पडलेल्या ‘भाऊचा धक्का’ एपिसोडवर प्रेक्षकांनी तीव्र नाराजी व्यक्त केली आहे. इतकंच काय तर यापुढे हा शो बघणार नाही, असंही थेट काहींनी म्हटलंय. यामागचं कारण म्हणजे रितेश हा इतर सदस्यांना त्यांच्या वागण्यावरून ओरडताना दिसतोय. पण निक्की तांबोळीबाबत तो पक्षपात करत असल्याचं प्रेक्षकांना दिसून येतंय. ‘कलर्स मराठी’ वाहिनीच्या इन्स्टाग्राम अकाऊंटवर रितेशच्या ‘भाऊचा धक्का’ एपिसोडचा प्रोमो पोस्ट करण्यात आला आहे. त्यावर नेटकऱ्यांच्या संतप्त प्रतिक्रिया पहायला मिळत आहेत.

‘लोकांच्या नजरेत निक्कीची प्रतिमा चांगली बनवण्यासाठी बिग बॉस खूप मनापासून प्रयत्न करत आहे,’ असं एकाने लिहिलंय. तर ‘आम्हाला वाटतं भाऊचा धक्का म्हणजे आज जे चुकीचे वागलेत त्यांची शाळा घेणार. पण आज समजलं की निक्कीचं सगळं बरोबर असतं आणि बाकीच्यांचं चुकीच दाखवायचं. यासाठीच भाऊचा धक्का असतो,’ असं दुसऱ्या युजरने म्हटलंय. ‘निक्कीसाठी बिग बॉस बनवलाय का’, असाही सवाल युजर्सनी केला आहे. ‘शो नुकताच पाहणं चालू केलं होतं, कालपासून बंद केला आहे,’ अशा शब्दांत प्रेक्षकांनी नाराजी व्यक्त केली.

बिग बॉसच्या घरातील इतर स्पर्धक जेव्हा चुकतात, तेव्हा त्यांची शाळा घेतली जाते. पण जेव्हा निक्की काही चुकीचं वागते, तेव्हा तिला फारसं काही म्हटलं जात नाही, अशी प्रेक्षकांची तक्रार आहे. निक्कीच्या बाबतीत ‘भाऊचा धक्का’ एपिसोडमध्ये पक्षपात केला जात असल्याचा आरोप प्रेक्षकांनी केला आहे.

‘बिग बॉस मराठी’चा नवीन सिझन सुरू होऊन आता 36 दिवस उलटले आहेत. बिग बॉस मराठी शोचा आता सहावा आठवडा सुरू झाला आहे. गेल्या आठवड्यात सदस्यांची चांगलीच झोप उडाली. गेल्या आठवड्यात बिग बॉस मराठीच्या घरातून कोणताच सदस्य बाहेर पडला नाही. ‘बिग बॉस मराठी’च्या नव्या प्रोमोमध्ये डीपी दादा वैभव झालाय. तर जान्हवी ही निक्की आणि सूरज अरबाजच्या भूमिकेत आहे. तिघेही आपली भूमिका उत्तम वठवत आहेत. तिघांचा अभिनय पाहताना प्रेक्षकांना मात्र हसू अनावर होणार आहे.

Follow Us
ऑपरेशन टायगरवर आशिष जयस्वाल यांचे सूचक विधान; ठाकरे गटाच्या...
ऑपरेशन टायगरवर आशिष जयस्वाल यांचे सूचक विधान; ठाकरे गटाच्या नेतृत्वाबाबत काय म्हणाले?
छठपूजेनंतर महाराष्ट्रात काही ठिकाणी अस्वच्छतेचे साम्राज्य! रामकुंड...
छठपूजेनंतर महाराष्ट्रात अस्वच्छतेचे साम्राज्य! रामकुंडाच्या पायऱ्यांवर आडनावे, समुद्रकिनाऱ्यांवर कचऱ्याचे ढीग
रायगडमध्ये शिंदेंच्या शिवसेनेचे जोरदार शक्तिप्रदर्शन; शेकडो कार्यकर्ते
Eknath shinde : रायगडमध्ये शिंदेंच्या शिवसेनेचे जोरदार शक्तिप्रदर्शन; शेकडो कार्यकर्त्यांचा पक्षप्रवेश
जळगाव जिल्हा बँक निवडणूक महायुती म्हणून लढणार, दोन जागांचा तिढा कायम
Jalgaon : जळगाव जिल्हा बँक निवडणूक महायुती म्हणून लढणार, दोन जागांचा तिढा कायम
मुंबईत प्रदूषणाचा विळखा! हवेची गुणवत्ता खालावल्याने नागरिकांच्या...
मुंबईत प्रदूषणाचा विळखा! हवेची गुणवत्ता खालावल्याने नागरिकांच्या आरोग्याची चिंता
SRA आरोपांवर प्रताप सरनाईक आक्रमक; संजय राऊतांना सुनावले...
SRA आरोपांवर प्रताप सरनाईक आक्रमक; संजय राऊतांना सुनावले, अपना घर घोटाळ्यावरही मोठा इशारा!
शिवसेना पक्ष आणि चिन्ह प्रकरणी आज सुनावणीची शक्यता...
Shivsena Hearing Update : शिवसेना पक्ष आणि चिन्ह प्रकरणी आज सुनावणीची शक्यता
बाळासाहेब ठाकरेंचा आज स्मृतिदिन; ठाकरे बंधू एकत्र दिसणार?
Balasaheb Thackeray Smrutidin : बाळासाहेब ठाकरेंचा आज स्मृतिदिन; ठाकरे बंधू एकत्र दिसणार?
इंदुरीकर महाराज याचं पुन्हा मुली आणि नात्यांबाबत वादग्रस्त विधान!
इंदुरीकर महाराज याचं पुन्हा मुली आणि नात्यांबाबत वादग्रस्त विधान! म्हणाले, 'मुली कधीच प्रेम नाही...
ऊस उत्पादकांच्या आंदोलनाला तात्पुरती स्थगिती! अगामी बैठकीत ऊस दराचा...
ऊस उत्पादकांच्या आंदोलनाला तात्पुरती स्थगिती! अगामी बैठकीत ऊस दराचा फैसला