Ghanshyam Darode : ‘रुपाली ताई भोंदू बाबाच्या जाळ्यात महिलांना…’, छोट्या पुढारीच्या एका Video मुळे सर्वत्र खळबळ

Ghanshyam Darode : ‘रुपाली चाकणकर महिलांना वाचवत होत्या की, महिलांना त्याच्या जाळ्यात ढकलत आहेत…?’ असा सवाल उपस्थित करत बिग बॉस मराठी 5′ फेम छोटा पुढारी म्हणजेच घनःश्याम दरोडे यानं एक व्हिडीओ पोस्ट केला आहे. सध्या सुरु असलेल्या प्रकरणावर संताप व्यक्त करत छोटा पुढारी म्हणाला, मित्रांनो आपण म्हणतो देश एकवीसाव्या शतकाकडे जात आहे, अधुनिक काळाकडे जात आहे… प्रगती होत आहे, पण एकंदरीत प्रगती होत असताना, तितक्याच झपाट्याने महाराष्ट्र मागे येतोय का? हे पाहणं देखील फार गरजेचं आहे. कारण आज लोकांना भोंदू बाबाचं फार वेड लागलं आहे… त्याने काही कानात फुकलं, तर आपण आपला इतिहास विसरायचा… आपण कोणत्या पदावर आहोत…

‘मी तुम्हाला तिच गोष्ट सांगतो, हा कोण भोंदू बाबा, लबाड लांडगा नाशिकचा अशोक खरात… याचे कारनामे पाहिले तर लाज वाटते… पीडित महिलांवर त्याने बलात्कार केलेत…. अत्याचार केलेत… त्याचे पुरावे, सीसीटीव्ही फुटेज सर्व समोर आलेत आणि त्याला अटक केली आहे. त्याला सेलिब्रिटींनी तर साथ दिलीच, पण त्याने ज्या महिलांवर अत्याचार केलेत, त्यांच्या आवज उठवणाऱ्या महिला आयोगाच्या अध्यक्षा रुपालीताई चाकणकर सुद्धा त्याला साथ देत होत, त्याच्या मंदिराच्या त्या अध्यक्षा होत्या…’

View this post on Instagram

A post shared by Chota pudari official (@chotapudari_official)

‘एवढंच नाही तर, भोंदू बाबाला गुरु मानलं आणि त्याच्या बायकोला गुरु माऊली… म्हणजे त्यांना विठ्ठल – रखुमाईचा दर्जा दिला. मला सांगायचं आहे, राजकारण्यापासून समाज आदर्श घेत असतो आणि तुम्ही समाजाला काय आदर्थ देताय, तुम्ही एवढ्या अंधश्रद्धाळू केव्हा झाल्यात? लोकांना तुम्ही सांगता अंधश्रद्धा निर्मूलन समिती उभी करा.’

‘रुपालीताई तुम्ही महिलांना वाचवण्याऐवजी महिलांना त्याच्या जाळ्यात ढकलताय का? मला तर वाटतं, चाकणकर बाईंची सुद्धा चौकशी व्हायला पाहिजे… कारण कसं आहे गुन्हा करण्यापेक्षा गुन्हेगाराला साथ देणारा सर्वात मोठा गुन्हेगार असतो… या भोंदू बाबांना अजिबात थारा दिला नाही पाहिजे. पोलिसांना, प्रशासनाला काही करता आलं नाही तर, एक विनंती आहे, यांना जनतेच्या ताब्यात द्या, नाही जोड्याने मारलं तर… आणखी महत्त्वाची गोष्ट सांगतो, तुम्ही मेहनत करा… या अंगाऱ्या धुपाऱ्याने काहीही होणार नाही…’ असं देखील नःश्याम दरोडेनं व्हिडीओ पोस्ट करत सांगितलं आहे.