AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

रॅपर बादशाहच्या नाइट क्लबमध्ये स्फोट; पोलिसांकडून मोठा खुलासा

प्रसिद्ध गायक आणि रॅपर बादशाहच्या चंदीगडमधील नाइट क्लबमध्ये स्फोट झाला आहे. मंगळवारी पहाटेच्या सुमारास ही घटना घडली. सुदैवाने यात कोणतीही जीवितहानी झाली नाही. घटनेची माहिती मिळताच पोलीस त्याठिकाणी पोहोचले असून पुढील तपास करत आहेत.

रॅपर बादशाहच्या नाइट क्लबमध्ये स्फोट; पोलिसांकडून मोठा खुलासा
Rapper BadshahImage Credit source: Instagram
| Updated on: Nov 26, 2024 | 10:37 AM
Share

प्रसिद्ध गायक आणि रॅपर बादशाहच्या मालकीच्या चंदीगडमधील बारमध्ये स्फोट झाल्याची माहिती समोर येत आहे. मंगळवारी पहाटेच्या सुमारास ही घटना घडली. चंदीगडमधील सेक्टर 26 मध्ये बादशाहच्या मालकीचा बार आहे. बाईकवरून आलेल्या दोन संशयितांनी या खासगी क्लबच्या दिशेने कमी तीव्रतेची स्फोटकं फेकली. पहाटे 2.30 ते 2.45 वाजेदरम्यान हा स्फोट झाला. सुदैवाने या घटनेत कोणतीची जीवितहानी झाली नाही. मात्र स्फोटामुळे क्लबच्या खिडक्यांच्या काचा फुटल्या आहेत. त्यामुळे मालमत्तेचं बरंच नुकसान झालं आहे. स्फोटाबद्दलची माहिती मिळताच चंदीगड पोलीस घटनास्थळी दाखल झाले. गुन्हेगारांची ओळख पटवण्यासाठी पोलिसांनी तपास सुरू केला आहे.

बॉम्ब शोधक पथक आणि चंदीगड फॉरेन्सिक सायन्स लॅबोरेटरीचे पथकसुद्धा नमुने गोळा करण्यासाठी घटनास्थळी पोहोचले आहेत. ‘इंडिया टुडे’नं दिलेल्या वृत्तानुसार, आरोपींनी खंडणीच्या उद्देशाने हा कमी तीव्रतेचा स्फोट घडवून धमकी देण्याचा प्रयत्न करण्यात आला आहे. आरोपींना पकडण्यासाठी आणि स्फोटामागील उद्देश जाणून घेण्यासाठी पोलीस पुढील तपास करत आहेत.

बादशाहचा क्लब ज्या परिसरात आहे, तिथे भाजी मार्केट आणि शाळा असल्याने सतत लोकांची वर्दळ असते. धमकावण्याच्या उद्देशाने कमी तीव्रतेची स्फोटकं वापरण्यात आल्याचा संशय पोलिसांना आहे. या घटनेनंतर परिसरात तणावाचं वातावरण निर्माण झालं आहे. पोलिसांनी सध्या या परिसरातील सुरक्षा वाढवली आहे. सीसीटीव्ही फुटेजच्या माध्यमातून आरोपींचा शोध लावण्याचा प्रयत्न केला जात आहे.

कोण आहे बादशाह?

गायक आणि रॅपर बादशाहचं मूळ नाव आदित्य प्रतीक सिंह असं आहे. तो रॅपर, गायक, गीतकार, संगीत निर्माता आणि व्यावसायिकसुद्धा आहे. त्याने हिंदी, इंग्रजी, पंजाबी आणि हरयाणवी भाषेत अनेक गाणी गायली आहेत. हिप-हॉप आणि रॅप म्युझिकमुळे तो तरुणाईमध्ये अधिक लोकप्रिय आहे. ‘कर गई चुल’, ‘गरमी’, ‘नैना’, ‘प्रॉपर पटोला’ अशी अनेक हिट गाणी त्याने गायली आहेत. पंजाबी म्युझिक इंडस्ट्रीतही बादशाहचं खूप मोठं नाव आहे. बादशाह त्याच्या खासगी आयुष्यामुळेही गेल्या काही दिवसांपासून चर्चेत आहे. पाकिस्तानी अभिनेत्री हानिया आमिरसोबत त्याचं नाव जोडलं जातंय.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी