सलमान खानच्या नावावर मोठा घोटाळा सुरु, टीमकडून चाहत्यांना सतर्क करण्याचा प्रयत्न, काय आहे संपूर्ण प्रकरण?

अभिनेता सलमान खान कायम कोणत्या न कोणत्या कारणामुळे चर्चेत असता. गेल्या काही दिवसांपासून सलमान खान याच्या यूएस टूरची चर्चा रंगली आहे. यंदाच्या वर्षी सलमान खान यूएसमध्ये कॉन्सर्ट घेणार असल्याच्या चर्चांनी जोर धरला आहे. पण नुकताच, सलमान खानने त्याच्या टीमच्या माध्यमातून या रंगणाऱ्या चर्चा फक्त अफवा असून फसवणूक होत असल्याचं म्हटले आहे. सलमान खानने त्याच्या चाहत्यांना सांगितले की, टूरबद्दल रंगणाऱ्या चर्चा पूर्णपणे खोट्या आहेत.

अमेरिकेत कार्यक्रम करण्याचा किंवा प्रवास करण्याचा कोणताही विचार नाही. त्यामुळे अशा कोणत्याही फसव्या कॉल किंवा ईमेलवर विश्वास ठेवू नका…. असं अभिनेता सोशल मीडियाच्या माध्यमातून म्हणाला आहे. काही दिवसांपूर्वी एक पोस्ट व्हायरल होत होती ज्यामध्ये सलमान खान 5 ऑक्टोबरला अमेरिकेतील आर्लिंग्टन थिएटरमध्ये परफॉर्म करणार असल्याचे लिहिलं होतं.

अशात चाहत्यांची फसवणूक होऊ नये म्हणून सलमान खान याच्या सोशल मीडिया अकाउंटवर अमेरिका दौऱ्यासंदर्भात अधिकृत नोटीस जारी करण्यात आली आहे. ज्यामध्ये सलमान खान याच्या नावावर मोठा घोटोळा सुरु असल्याचा उल्लेख केला आहे. शिवाय अभिनेत्याच्या टीमकडून चाहत्यांना सतर्क देखील करण्यात आलं आहे.

काय लिहिलं आहे पोस्टमध्ये…

पोस्टमध्ये करण्यात आलाय मोठा खुलासा, ‘सलमान खान किंवा अफिलेट कंपनी किंवा टीमकडून यूएसमध्ये यंदाच्या वर्षी कोणत्याच कॉन्सर्टचं आयोजन करण्यात आलेलं नाही.’ शोमध्ये सलमान खान परफॉर्म करेल असं देखील सांगण्यात येत आहे. त्याबद्दल अभिनेत्याची टीम म्हणाली, ‘सर्व फक्त अफवा आहेत. कृपया अशा कोणत्याच गोष्टींवर विश्वास ठेऊ नका. जर कोणी अभिनेत्याच्या नावाचा गैरवापर करताना आढळून आलं, तर त्याच्यावर त्वरित कायदेशीर कारवाई केली जाईल.’ असं देखील पोस्टमध्ये म्हणण्यात आलं आहे.

सलमान खानच्या मॅनेजरकडून चेतावनी

सलमान खान याची मॅनेजर जॉर्डी पटेल याने नुकताच एका पोस्ट करत चेतावनी दिली आहे. ‘सलमान खानच्या नावावर तिकिटे खरेदी करू नका. कारण सलमान खान यूएममध्ये जाणार नाही…’ असं देखील पोस्टमध्ये सांगण्यात आलं आहे. सध्या सर्वत्र फक्त आणि फक्त सलमान खान याची चर्चा रंगली आहे.

सलमान खान याच्या आगामी सिनेमांबद्दल सांगायचं झालं तर, अभिनेता लवकरच ‘सिकंदर’ सिनेमाच्या माध्यमातून चाहत्यांच्या भेटीस येणार आहे. चाहते देखील अभिनेत्याच्या आगामी सिनेमाची चर्चा रंगली आहे. सिनेमात अभिनेत्री रश्मिका मंदाना देखील मुख्य भूमिकेत दिसणार आहे.