अखेर करीना कपूर हिने केला ‘तो’ अत्यंत मोठा खुलासा, म्हणाली, सैफ अली खान याने…

बॉलिवूड अभिनेत्री करीना कपूर खान ही कायमच चर्चेत आहे. काही दिवसांपूर्वी करीना कपूर हिचा लाल सिंह चड्ढा हा चित्रपट प्रेक्षकांच्या भेटीला आला. या चित्रपटात करीना आणि आमिर खान हे मुख्य भूमिकेत दिसले. मात्र, या चित्रपटाला अजिबातच धमाका करण्यात यश मिळाले नाही. परिणामी हा चित्रपट फ्लॉप गेला. लाल सिंह चड्ढा चित्रपट फ्लॉप गेल्यानंतर आमिर खानला इतका मोठा धक्का बसला की, तो काही दिवस मोठ्या पडद्यापासून गायब झाला. हेच नाही तर आमिर खान याच्याकडून खुलासा करण्यात आला की, सतत चित्रपटांच्या शूटिंगमुळे कुटुंबाला अजिबातच वेळ देऊ शकलो नसल्याने पुढील काही दिवस फक्त कुटुंबाला वेळ देईल.

नुकताच आता करीना कपूर खान हिने अत्यंत मोठा खुलासा केलाय. करीना कपूर ही कपिल शर्मा याच्या शोमध्ये बहीण करिश्मा कपूर हिच्यासोबत पोहोचली. यावेळी तिने सैफ अली खान याच्याबद्दल खुलासा केला. कपिल शर्मा याने करीना कपूर हिला सैफ अली खान याच्या हातावर असलेल्या टॅटूबद्दल विचारले. त्याबद्दलच तिने खुलासा केला.

करीना कपूर म्हणाली की, ज्यावेळी सैफ अली खान याने मला प्रपोज केला त्यावेळी मी त्याला म्हटले की, इतके प्रेम आहे तर तुझ्या हातावर आपल्या दोघांचा टॅटू काढ. त्यानंतर सैफने ती गोष्ट ऐकली आणि त्याच्या डाव्या हातावर सैफीना नावाचा टॅटू काढला. पहिल्यांदाच करीना कपूर ही त्या टॅटूबद्दल खुलासा करताना दिसलीये.

2008 पासून करीना कपूर आणि सैफ अली खान रिलेशनमध्ये आले. 2012 मध्ये त्यांनी लग्न केले. विशेष म्हणजे सैफ अली खान यानेच लग्नासाठी करीना कपूर खान हिला प्रपोज केला. सैफ अली खान याचे करीना कपूर हिच्यासोबतचे हे दुसरे लग्न तर करीना कपूर हिचे हे पहिलेच लग्न होते. करीना कपूर आणि सैफ अली खान यांची तैमूर आणि जेह नावाचे दोन मुले आहेत.

विशेष म्हणजे करीना कपूर खान ही सोशल मीडियावर चांगलीच सक्रिय दिसते. आपल्या चाहत्यांसाठी खास फोटो आणि व्हिडीओ शेअर करताना करीना कपूर दिसते. करीनाची जबरदस्त अशी फॅन फॉलोइंग सोशल मीडियावर बघायला मिळते. करीना कपूर हिने काही दिवसांपूर्वीच सोशल मीडियावर कुटुंबासोबतचे विदेशातील फोटो हे सोशल मीडियावर शेअर केले होते.