PS2 | ऐश्वर्या राय हिने केली सलमान खान याच्यावर मात, वाचा नेमके काय घडले?

मुंबई : किसी का भाई किसी की जान हा सलमान खान (Salman Khan) याचा चित्रपट नुकताच रिलीज झालाय. या चित्रपटाच्या माध्यमातून शहनाज गिल आणि श्वेता तिवारी हिची मुलगी पलक तिवारी यांनी बाॅलिवूडमध्ये पदार्पण केले. मात्र, म्हणावी तशी धमाल या चित्रपटाला करण्यात यश मिळाले नाही. शाहरूख खान (Shah Rukh Khan) याच्या पठाण चित्रपटामध्ये सलमान खान याची एक झलक चाहत्यांना बघायला मिळाली होती. तेंव्हापासूनच चाहते हे सलमान खान याच्या किसी का भाई किसी की जान (Kisi Ka Bhai Kisi Ki Jaan) या चित्रपटाची आतुरतेने वाट पाहत होते. शेवटी सलमान खान याचा किसी का भाई किसी की जान हा चित्रपट 21 एप्रिल रोजी रिलीज झाला.

सध्या फक्त सलमान खान याचा किसी का भाई किसी की जान हाच चित्रपट नाही तर बाॅलिवूड अभिनेत्री ऐश्वर्या राय हिचा पोन्नियिन सेल्वन-2 हा चित्रपट देखील रिलीज झालाय. ऐश्वर्या राय हिच्या पोन्नियिन सेल्वन-2 चित्रपटाला प्रेक्षकांचे भरपूर प्रेम मिळताना दिसत आहे. विशेष म्हणजे साऊथमध्ये हा चित्रपट तूफान अशी कामगिरी करताना दिसत आहे.

सलमान खान याच्या किसी का भाई किसी की जान या चित्रपटाने आतापर्यंत 174 कोटींचे बाॅक्स आॅफिस कलेक्शन केले आहे. चित्रपट 200 कोटींचा आकडा हा पुढील काही दिवसांमध्ये पार करेल असा अंदाजा आहे. भारतामध्ये किसी का भाई किसी की जान चित्रपटाने आतापर्यंत 105 कोटींचे कलेक्शन केले.

विशेष म्हणजे कमाईमध्ये ऐश्वर्या राय हिच्या पोन्नियिन सेल्वन-2 चित्रपटाने किसी का भाई किसी की जान या चित्रपटाला मागे टाकले आहे. जगभरातून पोन्नियिन सेल्वन-2 चित्रपटाने 212.35 कोटीचे कलेक्शन केले आहे. पोन्नियिन सेल्वन-2 चित्रपट अत्यंत बिग बजेटचा चित्रपट आहे. हा चित्रपट तयार करण्यासाठी 500 कोटींचे बजेट लागले आहेत. कमाईमध्ये सलमान खान याच्या चित्रपटाला ऐश्वर्या राय हिच्या चित्रपटाने धूळ चारलीये.

सलमान खान याच्या किसी का भाई किसी की जान हा सलमान खान याचा बहुचर्चित आणि बहुप्रतिक्षित चित्रपट आहे. सलमान खान याच्या या चित्रपटाबद्दल चाहत्यांमध्ये मोठी क्रेझ ही सुरूवातीपासूनच बघायला मिळत होती. किसी का भाई किसी की जान हा सलमान खान याचा बिग बजेटचा चित्रपट आहे. मात्र, म्हणावी तशी कामगिरी करण्यात चित्रपटाला यश मिळाले नाहीये.