Pathaan | पठाण चित्रपटातील दीपिका पादुकोण हिच्या बिकिनीच्या रंगावरून मोठा वाद
काहींना दीपिकाचे कपडे आवडले नाहीतर काहींना तिचे हावभाव आवडले नाहीत.
मुंबई : शाहरुख खान आणि दीपिका पादुकोण यांचा पठाण हा चित्रपट रिलीजच्या अगोदरच वादात सापडलाय. या चित्रपटाचे बेशर्म रंग हे गाणे रिलीज झाले असून या गाण्याला मोठ्या प्रमाणात ट्रोल केले जात आहे. काहींना दीपिकाचे कपडे आवडले नाहीतर काहींना तिचे हावभाव आवडले नाहीत. आता या गाण्यामुळे मोठा वाद सुरू झालाय. इतकेच नाहीतर याचा मोठा फटका हा चित्रपटाला बसण्याची दाट शक्यता आहे. कारण एका राज्याच्या गृहमंत्र्यांनी चित्रपट राज्यामध्ये रिलीज करण्याच्या अगोदर विचार करावा लागणार असल्याचे म्हटले आहे.
पठाण चित्रपटामध्ये दीपिका पादुकोण हिने केशरी रंगाची बिकिनी घातल्याने अनेकांनी नाराजी व्यक्त केलीये. इतकेच नाहीतर यांचे चित्रपट चालत नसल्याने आता यांनी अश्लील चित्रपट तयार करण्यास सुरूवात केल्याचे देखील अनेकांनी म्हटले आहे.
मध्यप्रदेशचे गृहमंत्री नरोत्तम मिश्रा म्हणाले, गाण्यात वापरण्यात आलेली वेशभूषा अत्यंत आक्षेपार्ह नक्कीच आहे. भ्रष्ट मानसिकतेमुळे हे गाणे चित्रित करण्यात आल्याचे स्पष्टपणे दिसून येत आहे. इतकेच नाहीतर दीपिका पादुकोण ही जेएनयूमध्ये तुकडे तुकडे गँगचे समर्थन करताना देखील दिसली होती.
फिल्म #Pathan के गाने में टुकड़े-टुकड़े गैंग की समर्थक अभिनेत्री दीपिका पादुकोण की वेशभूषा बेहद आपत्तिजनक है और गाना दूषित मानसिकता के साथ फिल्माया गया है। गाने के दृश्यों व वेशभूषा को ठीक किया जाए अन्यथा फिल्म को मध्यप्रदेश में अनुमति दी जाए या नहीं दी जाए,यह विचारणीय होगा। pic.twitter.com/Ekl20ClY75
— Dr Narottam Mishra (@drnarottammisra) December 14, 2022
मी निवेदन करत आहे की, चित्रपटातील दृश्ये आणि वेशभूषा ठिक करा नाहीतर मध्यप्रदेशमध्ये या चित्रपटाच्या रिलीजसाठी परवानगी मिळणार की नाही हा विचार करण्यासारखी बाब आहे. यामुळे आता पठाण चित्रपटाच्या समस्या वाढताना नक्कीच दिसत आहेत.
पठाण चित्रपटातील गाणे रिलीज झाल्यापासून सोशल मीडियावर बायकॉट पठाण हा ट्रेंड सुरू आहे. आमिर खान याचा लाल सिंह चढ्डा रिलीज होण्याच्या अगोदरच अशाच प्रकारचा ट्रेंड हा सोशल मीडियावर सुरू होता. इतकेच नाहीतर आमिर खानचा चित्रपटही फ्लाॅप गेला.
