मोठी बातमी ! प्रसिद्ध अभिनेत्याच्या घराबाहेर धाड धाड करत बुलडोझर कारवाई, मोठं नुकसान; पहिली प्रतिक्रिया समोर…

हरियाणाच्या गुरुग्राममधून एक मोठी बातमी समोर आली आहे. गुरुग्राममध्ये प्रशासनाने अनधिकृत बांधकामांवर बुलडोझर फिरवला आहे. गुरुग्राममधील सर्वात पॉश इलाका असलेल्या डीएलएफ फेज 3 शुक्रवारी मोठ्या प्रमाणावर अवैध बांधकामावर कारवाई करण्यात आली. याचा फटका प्रसिद्ध अभिनेचा चंद्रचूड सिंग याच्या घरालाही बसला आहे. त्याच्या घराच्या आसपासचं अनधिकृत बांधकाम तोडण्यात आलं आहे.

सूत्रांनी दिलेल्या माहितीनुसार, अभिनेता चंद्रचूड सिंग यांच्या घराच्याबाहेर नियम धाब्यावर ठेवून अनधिकृत बांधकाम करण्यात आलं होतं. हे काम डीटीपीच्या पथकाने तोडलं आहे. या कारवाईचा एक व्हिडीओही सोशल मीडियावर मोठ्या प्रमाणावर व्हायरल झाला आहे.

त्या तिथेच…

चंद्रचूडच्या घराच्या बाहेर पार्किंग एरिया आहे. या ठिकाणी बेकायदेशीर बांधकाम करण्यात आलं होतं. टाऊन अँड कंट्री प्लानिंग डिपार्टमेंटच्या तपासात हे सर्व बांधकाम अवैध आणि नियमांचं उल्लंघन करणारं असल्याचं आढळून आलं आहे. त्यामुळे आज शुक्रवारी टास्क फोर्सची टीम तयारीनेच घटनास्थळी पोहोचली आणि त्यांनी अनधिकृत बांधकाम तोडून टाकलं.

नोटीस बजावली, पण…

ही कारवाई अचानक किंवा कोणतीही सूचना न देता करण्यात आलेली नाही. गुरुग्राम प्रशासनाने अनधिकृत बांधकाम हटवण्याची नोटीस बजावली होती. पण त्याकडे अभिनेत्याने कानाडोळा केला. तसेच या नोटिशीला कोणतंही उत्तर देण्यात आलं नाही. त्यामुळे प्रशासनाने आज ही तोडक कारवाई केली आहे.

Gurugram: DLF Phase 3 में अभिनेता Chandrachur Singh के घर के बाहर चला DTP का बुलडोजर। सड़क की जमीन पर बनी दीवार और पेड़-पौधे हटाए गए। DTP Amit Madholia ने कार्रवाई की जानकारी फिल्म अभिनेता को दी। pic.twitter.com/crlubZDldu

— Greater Noida West (@GreaterNoidaW) July 3, 2026

व्हिडीओ व्हायरल

या संपूर्ण कारवाईचा व्हिडीओ ग्रेटर नोएडा वेस्ट या ऑफिशियल अकाऊंटवर शेअर करण्यात आला आहे. कारवाई वेळी अभिनेता चंद्रचूड स्वत: घटनास्थळी उपस्थित असल्याचं व्हिडीओत दिसत आहे. त्याने सफेद टी शर्ट आणि शॉर्टस घातले आहे. यावेळी तो शांतपणे डीटीपी कर्मचाऱ्यांशी चर्चा करताना दिसत आहे.

घर सुरक्षित

चंद्रचूड अधिकाऱ्यांकडे जातो आणि त्यांच्या हातात हात घेतो. यावेळी तो अधिकाऱ्यांशी इंग्रजीत संवाद साधताना दिसत आहे. घर सुरक्षित आहे, हेच महत्त्वाचे आहे, असं तो म्हणतो. त्यावर समोरचा अधिकारीही त्याला घर सुरक्षित आहे. बिल्कुल सुरक्षित आहे, असं म्हणताना दिसत आहे.