गोविंदावर दु:खाचा डोंगर कोसळला, सावलीच हरवली, अत्यंत जवळच्या व्यक्तीचा मृत्यू
प्रसिद्ध अभिनेता गोविंदा याचा दीर्घकाळाचा सेक्रेटरी आणि जवळच्या मित्र शशी प्रभू यांचे निधन झाले आहे. हृदयविकाराच्या आजाराने ग्रस्त असलेले प्रभू यांचे चार दिवसांपूर्वीच शस्त्रक्रिया झाली होती. गोविंदाला 1986 पासून साथ देणारे प्रभू हे त्यांच्या कुटुंबाचाच भाग होते. प्रभू यांच्या निधनाने गोविंदा आणि त्यांचे कुटुंब हळहळले आहे.
घटस्फोटाच्या चर्चेने अभिनेता गोविंदा चांगलाच अडचणीत आलेला आहे. सध्या मीडियात गोविंदाच्या घटस्फोटाचीच चर्चा सुरू आहे. असं असतानाच आता गोविंदावर दु;खाचा डोंगर कोसळला आहे. गोविंदाची सावली असलेल्या आणि अत्यंत जवळच्या व्यक्तीचा मृत्यू झाला आहे. त्यामुळे गोविंदा एकाकी पडला आहे. गोविंदाचे माजी सेक्रेटरी शशी प्रभू यांचं 6 मार्च रोजी निधन झालं आहे. शशी प्रभू यांच्या निधानाची बातमी कळताच गोविंदा त्यांच्या घरी पोहोचले. आणि प्रभू यांच्या कुटुंबाचे सांत्वन केले. प्रभू केवळ गोविंदाचे सेक्रेटरीच नव्हते तर जिगरी दोस्तही होते.
शशि यांच्या घरी गोविंदा गेल्यानंतर एक व्हिडीओ व्हायरल झाला आहे. या व्हिडीओत गोविंदा रडताना दिसत आहे. डोळे पुसताना दिसत आहे. शशी प्रभू यांनी गोविंदाला 1986 पासून साथ दिली होती. त्यावेळी गोविंदाचा इल्जाम हा सिनेमा रिलीज झाला होता. शशी प्रभू हे गोविंदाच्या कुटुंबाचा एक भाग होते. त्यांचे गोविंदाच्या कुटुंबाशी चांगले संबंध होते. गुरुवार 6 मार्च रोजी संध्याकाळी शशी प्रभू यांचं निधन झालं. ही बातमी कळताच गोविंदाने बोरिवली येथील प्रभू यांच्या घरी भेट दिली. प्रभू यांच्या अंतिम संस्काराला अनेक बडे स्टार येणार असल्याचं सांगितलं जातं.
चार दिवसांपूर्वीच सर्जरी
गोविंदाचा दुसरा सेक्रेटरी शशी सिन्हा यांनी शशी प्रभू यांच्या निधानाचं वृत्त दिलं आहे. हृदयाशी संबंधित आजारामुळे शशी प्रभू यांचं निधन झाल्याचं शशी सिन्हा यांनी सांगितलं. चार दिवसांपूर्वीच त्यांची सर्जरी झाली होती. त्यानंतर त्यांना घरी आणण्यात आलं होतं. पण ते सकाळी अचानक बाथरूममध्ये पडले. जेव्हा त्यांच्या कुटुंबीयांना कळलं तेव्हा ते त्यांना उचलण्यासाठी धावले. पण प्रभू यांच्याकडून कोणतीच हालचाल होत नव्हती. त्यामुळे त्यांना तात्काळ रुग्णालयात नेण्यात आले. तिथे उपचार सुरू असतानाच संध्याकाळी त्यांची प्राणज्योत मालवली.
View this post on Instagram
लोक गोंधळले
शशी प्रभू यांना गोविंदाचा उजवा हात संबोधलं जायचं. गोविंदाच्या फिल्मी करियरमध्ये त्यांचा मोठा वाटा होता. पण जेव्हा गोविंदाच्या सेक्रेटरीचा मृत्यू झाल्याचं कळलं तेव्हा लोकांना शशी सिन्हा यांचाच मृत्यू झाला की काय असं वाटलं. लोक गोंधळून गेले होते. पण नंतर शशी सिन्हा यांनी स्वत: सर्व गोष्टी क्लिअर केल्या. नाम साधर्म्यामुळे हा गोंधळ झाल्याचं त्यांनी सांगितलं.
