Shaktimaan : शक्ति.. शक्ति… शक्तिमान मोठ्या पडद्यावर अवतरणार, फॅन्सचा आनंद गगनात मावेना, सोशल मीडियावर मिम्सचा पाऊस!

आयेशा सय्यद, मुंबई : शक्तिमान (Shaktimaan) हा कार्यक्रम पाहिला नाही असा क्वचितच कुणी असेल. शक्तिमान हा एकेकाळी लहान मुलांचा सुपरहिरो… हाच सुपर हिरो आता मोठ्या पडद्यावर अवतरणार आहे. अभिनेते मुकेश खन्ना (Mukesh Khanna) यांनी याची घोषणा केली आहे. देशातील पहिला टीव्ही सुपरहिरो ‘शक्तिमान’ लवकरच पुनरागमन करणार आहे. या सुपर हिरोची क्रेझ इतकी आहे की या चित्रपटाची घोषणा होताच ही बातमी वाऱ्यासारखी पसरली आणि मग काय सोशल मीडियावर नुसता धुमाकूळ… सगळीकडे फक्त एक चर्चा शक्तिमान आणि शक्तिमान… आता आपला लाडका शक्तिमान मोठ्या पडद्यावर येणार म्हटल्यावर लोकांच्या आनंदाला पारावार राहिला नाही अन् मग सुरु झाला मिम्सचा पाऊस… काहींनी तर या शक्तिमानची तुलना अल्लू अर्जूनच्या सुपरहीट पुष्पाशी केली. शक्तिमानला थेट पुष्पाचा डायलॉग म्हणायला लावला.

शक्तिमानच्या फॅन्सची कल्पकता

आपला सुपहिरो मोठ्या पडद्यावर येणार म्हटल्यावर त्याचे फॅन्समध्येही उत्साह संचारलाय. यावर अनेक हटके मीम्स बनलेत.

एकाने लिहिलंय, “शक्तिमान पडद्यावर आल्यावर मजा येणार…”

90s kids after knowing #Shaktimaan is coming on the big screen: pic.twitter.com/WdiOK26F8U

— Angshuman (@angshumorous) February 10, 2022

दुसऱ्याने लिहिलंय, “शक्तिमान मोठ्या पडद्यावर येणार म्हटल्यावर माझी रिअॅक्शन…”

Me after watching #Shaktimaan movie annoucement pic.twitter.com/eJGat2YoAB

— Avinash yadav ? (@Memelordavi) February 10, 2022

तर तिसऱ्याने तर शक्तिमानला थेट पुष्पा स्टाईममध्ये उभं केलंय आणि लिहिलंय “मैं वापस आ गया साला…”

#Shaktimaan When people from other countries say that India doesn’t have the kind of superheroes?? pic.twitter.com/1DaRwJRE42

— Adarsh Tiwari (@DangerBrahman13) February 10, 2022

शक्तिमान मोठ्या पडद्यावर अवतरणार

अनेकांचं बालपण शक्तिमानला बघूनच गेलंय. त्यामुळे शक्तिमानचा चाहता वर्ग मोठा आहे. हा शक्तिमान आता मोठ्या पडद्यावर अवतरणार आहे. शक्तिमानची भूमिका साकारणारे अभिनेते मुकेश खन्ना यांनी याबाबतची माहिती त्यांच्या सोशल मीडियावरून दिली आहे. त्यामुळे शक्तिमानच्या चाहत्यांमध्ये उत्साह आहे. शक्तिमानचा पोस्टर आणि टीझर सध्या सोशल मीडियावर धुमाकूळ घालतोय. सगळीकडे फक्त शक्तिमानचीच हवा आहे.

सोनी पिक्चर्स इंडियाने या सिनेमाची घोषणा केली आहे. एकेकाळी टीव्ही जगतावर राज्य करणारा शक्तिमान आता मोठ्या पडद्यावर यायला सज्ज झालाय त्यामुळे या चित्रपटाला कसा प्रतिसाद मिळतो पहावं लागेल.

संबंधित बातम्या

IPL 2022 Auction Day 1 Live Updates: मेगा ऑक्शनमध्ये दिसला शाहरूखचा मुलगा, चाहता म्हणाला, ‘शेर का बच्चा आ गया’

बदलली, बदलली, अरुंधती अख्खी बदलली, आशुतोष केळकर डोळे मोठे करुन पाहातच राहिला? तुम्ही पाहिलंत?

Pondicherry Movie : २५ फेब्रुवारीपासून घडणार ‘पाँडीचेरी’ची सैर, मोबाईलवर शूट झालेला पहिला मराठी सिनेमा