Punit Talreja | ‘खिचडी’ फेम पुनीत तलरेजावर ठाण्यात प्राणघातक हल्ला, रुग्णालयात उपचार सुरू
मिळालेल्या माहितीनुसार, रविवारी रात्री अंबरनाथ बस्ती येथे घडलेल्या या घटनेत पुनीत हा आईसाठी औषधे खरेदी करून परतत होता. त्यानंतर अचानक दोन अज्ञात हल्लेखोरांनी त्यांचा मार्ग अडवला. सुरुवातीला त्यांनी पुनीतला शिवीगाळ करण्यास सुरुवात केली, त्यानंतर वादाने वाढला आणि हल्लेखोरांनी पुनीतवर हल्ला केला.
मुंबई : टेलिव्हिजनमधील प्रसिद्ध स्टार पुनीत तलरेजाच्या (Punit Talreja) बाबत एक धक्कादायक बातमी पुढे येत आहे. ठाणे जिल्ह्यात रविवारी रात्री दोन जणांनी पुनीतवर प्राणघातक हल्ला केलायं. मंगळवारी ठाणे पोलिसांकडून ही माहिती मिळालीयं. पोलिसांनी (Police) दिलेल्या माहितीनुसार, पुनीत औषधे खरेदी करून घरी परतत असताना ही घटना घडलीयं. हल्ल्याची घटना अंबरनाथ वस्ती येथील आहे. पुनीतने खिचडी या प्रसिद्ध मालिकेत महत्त्वाची भूमिका साकारली आहे. हल्ल्यानंतर पुनीतला रूग्णालयात दाखल करण्यात आले असून त्याच्यावरती सध्या उपचार (Treatment) सुरू असल्याची माहिती मिळते आहे.
पुनीतला शिवीगाळ करत केला प्राणघातक हल्ला
मिळालेल्या माहितीनुसार, रविवारी रात्री अंबरनाथ वस्ती येथे घडलेल्या या घटनेत पुनीत हा आईसाठी औषधे खरेदी करून परतत होता. त्यानंतर अचानक दोन अज्ञात हल्लेखोरांनी त्यांचा मार्ग अडवला. सुरुवातीला त्यांनी पुनीतला शिवीगाळ करण्यास सुरुवात केली, त्यानंतर वाद वाढला आणि हल्लेखोरांनी पुनीतवर हल्ला केला. पुनीतचे वय अवघे 34 वर्षे आहे. हल्लेखोरांनी पुनीतवर लोखंडी रॉड आणि त्यांच्याजवळ असलेल्या शस्त्रांनी वार केले. या हल्लात पुनीत गंभीर जखमी झालायं.
पोलिसांनी केला तपास सुरू…
अंबरनाथमधील शिवाजी नगर पोलिस स्टेशनमध्ये गुन्हा नोंद करण्यात आलायं. यासर्व प्रकरणावर बोलताना अधिकाऱ्याने सांगितले की, या घटनेत पुनीत तलरेजा गंभीर जखमी झाला आहे. तेथून जाणाऱ्या काही प्रवाशांनी अभिनेत्याला रुग्णालयात नेले. जिथे त्याच्यावर उपचार सुरू आहेत. घटनेनुसार गुन्हा दाखल करण्यात आला आहे. मात्र, हल्लेखोरांबाबत अद्याप माहिती मिळाली नसून तपास सुरू केलायं.
