चप्पल घालून नयनतारा तिरूपती मंदिरात, लिगल नोटिस, माफीनामा, नेमकं काय आहे? वाचा सविस्तर…

मुंबई : दाक्षिणात्य चित्रपटसृष्टीतील लोकप्रिय अभिनेत्री नयनतारा (Nayanthara) नुकतीच विवाहबंधनात अडकली. दिग्दर्शक विग्नेश शिवन (Vignesh Shivan) आणि नयनतारा यांनी चेन्नईतल्या महाबलीपुरम इथं कुटुंबीय आणि मित्रपरिवाराच्या उपस्थितीत लग्नगाठ बांधली. गेल्या सात वर्षांपासून हे दोघं एकमेकांना डेट करत होते. लग्नाच्या दुसऱ्याच दिवशी नयनतारा आणि विग्नेश शिवन तिरुपती मंदिरात दर्शनासाठी गेले. या मंदिरात अनवाणी जाण्याची प्रथा आहे. पण या नियमाला धाब्यावर बसवत नयतारा चप्पल घालून मंदिर फिरली. त्यानंतर या दोघांचे मंदिरातील फोटो सोशल मीडियावर प्रचंड व्हायरल झाले. शिवाय या सगळ्यानंतर तिला कायदेशीर बजावण्यात आली आहे.

नयनतारा चप्पल घालून तिरूपतीला

लग्नाच्या दुसऱ्याच दिवशी नयनतारा आणि विग्नेश शिवन तिरुपती मंदिरात दर्शनासाठी गेले. या मंदिरात अनवाणी जाण्याची प्रथा आहे. पण या नियमाला धाब्यावर बसवत नयतारा चप्पल घालून मंदिर फिरली. त्यानंतर या दोघांचे मंदिरातील फोटो सोशल मीडियावर प्रचंड व्हायरल झाले. शिवाय या सगळ्यानंतर तिला कायदेशीर बजावण्यात आली आहे.

नयनताराचा माफीनामा

नयनताराला मंदिरा व्यवस्थापनाकडून कायदेशीर नोटीस बजावण्यात आली त्यानंतर नयनतारा आणि विग्नेश यांनी जाहीर माफी मागितली आहे. तसं पत्र त्यांनी मंदिर प्रशासनालाही देण्यात आली आहे. “लग्नानंतर आम्ही आमच्या घरी न जाता थेट तिरुपती मंदिरात गेलो. मंदिरातून पुष्कळ लोक बाहेर आले आणि त्यांनी आमच्याभोवती गराडा घातला. आम्ही लगोलग आमचं फोटोशूट केलं. गडबडीत मंदिराबाहेर पडण्याचा निर्णय घेतला. त्या गोंधळात जिथे चप्पल घालण्यास बंदी आहे, त्याठिकाणी चप्पल घालून गेलो. पण ते अनावधानाने झालं. त्यासाठी आम्ही दिलगीर आहोत”, असं नयनतारा आणि विग्नेश यांनी आपल्या पत्रात म्हटलंय.

मार्च 2021 मध्ये नयनतारा आणि विग्नेश यांनी साखरपुडा केला. हे दोघं 2015 पासून एकमेकांना डेट करत आहेत. ‘नानुम राऊडी धान’ या चित्रपटाच्या सेटवर दोघांची पहिल्यांदा भेट झाली होती. नयनताराने 2003 मध्ये चित्रपटसृष्टीतील कारकिर्दीला सुरुवात केली. त्यापूर्वी ती मॉडेलिंग करायची. दाक्षिणात्य चित्रपटसृष्टीतील यशस्वी अभिनेत्रींमध्ये नयनताराचं नाव आवर्जून घेतलं जातं.