‘टायगर 3’च्या रिलीज डेटमध्ये बदल, या दिवशी येणार चित्रपट प्रेक्षकांच्या भेटीला

मुंबई : अभिनेता सलमान खानच्या (Salman Khan) ‘टायगर 3’ चित्रपटाची चाहते गेल्या कित्येक वर्षांपासून आतुरतेने वाट पाहात आहेत. टायगर 3 चित्रपटाच्या प्रत्येक अपडेटवर चाहत्यांचे बारीक लक्ष असते. हा चित्रपट 21 एप्रिल 2023 रोजी प्रदर्शित (Displayed) होणार होता. मात्र, चित्रपटाच्या रिलीज डेटमध्ये मोठा बदल करण्यात आलाय. इतकेच नव्हे तर चित्रपटातील सलमान खानचा लूकही पुढे आलाय. कतरिना कैफ (Katrina Kaif) देखील या चित्रपटात महत्वाच्या भूमिकेत आहे. कतरिना आणि सलमानची जोडी पुन्हा एकदा धमाका करण्यास तयार आहे.

सलमान खानचा बहुचर्चित टायगर 3 हा चित्रपट 21 एप्रिल 2023 रोजी रिलीज होणार नाहीये. हा चित्रपट पुढच्या वर्षी दिवाळीच्या मुहूर्तावर रिलीज होणार आहे. यामुळे चाहत्यांना अजून थोडी वाट पाहावी लागणार हे नक्की. चित्रपट निर्मात्यांनी चित्रपटाची नवी तारीख रिलीज करण्याच्यासोबतच सलमान खानचा चित्रपटातील लूकही प्रेक्षकांसाठी सोशल मीडियावर शेअर केला आहे. सलमानचा हा खास लूक आता सोशल मीडियावर तूफान व्हायरल होताना दिसत आहे.

टायगर 3 च्या निर्मात्यांनी सोशल मीडियावर पोस्ट शेअर करत लिहिले की, ‘टायगर 2023 मध्ये दिवाळीच्या मुहूर्तावर मोठ्या पडद्यावर प्रदर्शित होईल. इतकेच नाही तर निर्मात्यांनी हेही जाहिर केले की, टायगर 3 हा फक्त हिंदी भाषेतच नव्हे तर हिंदीसोबतच तामिळ आणि तेलगू भाषेतही रिलीज होणार आहे. सलमान खानने देखील सोशल मीडियावर पोस्ट शेअर करत चित्रपटातील लूक आणि रिलीज डेट चित्रपटाची जाहिर केलीये.