Thank God On OTT| लवकरच ‘थँक गॉड’ OTT वर येणार प्रेक्षकांच्या भेटीला
पुढील काही दिवसांमध्ये चित्रपट चांगली कमाई करेल अशी अपेक्षा चित्रपट निर्मात्यांना आहे. हा चित्रपट रिलीज होण्याच्या अगोदरपासूनच वादात सापडला होता.
मुंबई : अजय देवगणचा बहुचर्चित थँक गॉड हा चित्रपट दिवाळीच्या दिवशी प्रेक्षकांच्या भेटीला आलाय. अजयच्या या चित्रपटाकडून प्रचंड अपेक्षा होत्या. मात्र, चित्रपट रिलीज होऊन 3 दिवस होऊनही चित्रपट बाॅक्स आॅफिसवर काही खास कमाल करू शकला नाहीये. हा चित्रपट तयार करण्यासाठी निर्मात्यांना तब्बल 70 कोटी रूपये लागले असून तीन दिवसांमध्ये चित्रपटाने फक्त 4 कोटी कमावले आहेत. पुढील काही दिवसांमध्ये चित्रपट चांगली कमाई करेल अशी अपेक्षा चित्रपट निर्मात्यांना आहे. हा चित्रपट रिलीज होण्याच्या अगोदरपासूनच वादात सापडला होता.
थँक गॉड या चित्रपटात अजय देवगण चित्रगुप्ताच्या भूमिकेत आहे. मात्र, सुरूवातीपासूनच या चित्रपटामुळे मोठा वाद निर्माण झाला होता. चित्रपटावर बंदी घालण्याची मागणी देखील सातत्याने केली जात होती. परंतू न्यायालयाने निर्मात्यांना मोठा दिलासा दिल्याने दिवाळीच्या दिवशी हा चित्रपटा प्रेक्षकांच्या भेटीला आला.
View this post on Instagram
अजय देवगणच्या या चित्रपटाकडून खूप अपेक्षा होत्या. परंतू प्रेक्षकांनी चित्रपटाला काही खास प्रतिसाद दिला नाही. लोकांना थिएटरमध्ये जाऊन चित्रपट पाहणे पूर्वी सारखे आवडत नाहीये, असे अनेकांचे म्हणणे असल्याने थोडा पण वेळ न घालवता चित्रपट निर्मात्यांना थँक गॉड हा चित्रपट ओटीटीवर रिलीज करण्याच्या मोठा निर्णय घेतलाय.
लवकरच थँक गॉड हा चित्रपट घरी बसून आपण आपल्या मोबाईलवरून पाहू शकणार आहोत. नोव्हेंबरचा साधारण दुसऱ्या आठवड्यामध्ये ओटीटीवर थँक गॉड रिलीज होऊ शकतो, अशी महत्वाची माहिती मिळत आहे. मात्र, नेमक्या कोणत्या ओटीटी प्लॅटफाॅर्मवर चित्रपट रिलीज केला जाणार हे कळू शकले नाहीये. कोरोनानंतर चित्रपट थिएटरमध्ये काही खास कमाल करू शकत नाहीयेत.
