विमलची जाहिरात करणाऱ्या कलाकारांवर स्पष्ट बोलले तुकाराम मुंढे, म्हणाले, तुमच्यासाठी सुपरस्टार पण..

एफडीएचे आयुक्त तुकाराम मुंढे गेल्या काही दिवसांपासून तूफान चर्चेत आहेत. तुकाराम मुंढे यांनी एफडीएचा कारभार आपल्या हातात घेतल्यापासून राज्यभरात मोठ्या कारवाया केल्या जात आहेत. अन्न व औषध प्रशासनाकडून केल्या जाणाऱ्या कारवायानंतर भेसळखोरांचे धाबे दणाणली आहेत. मोठ्या हॉटेलवरही कारवाई करण्यात आली. मंत्रालयाचे कॅन्टींगवरही कारवाई करण्यात आली. अभिनेता शाहरुख खान, अजय देवगण आणि टायगर श्रॉफ यांना महाराष्ट्र अन्न व औषध प्रशासनाने नोटीस बजावली. या तिघांनी मिळून केलेल्या विमल इलायचीच्या जाहिरातीसंदर्भात त्यांना कारणे दाखवा नोटीस बजावण्यात आली आहे. या तिघा अभिनेत्यांना नोटीस पाठवण्यात आली. ज्यानंतर चांगलीच मोठी खळबळ उडाली. तुकाराम मुंढे यांनी आपल्या मोर्चा बॉलिवूडकडे वळवला.

विमल इलायचीच्या जाहिरात प्रकरणात शाहरुख खान, अजय देवगण, टायगर श्रॉफ यांना पाठवण्यात आलेल्या नोटीसवर तुकाराम मुंढे यांनी मोठे भाष्य केले. तुकाराम मुंढे यांनी म्हटले की, तुमच्यासाठी ते सुपरस्टार असतील. मात्र, माझ्यासाठी ते फक्त जाहिरातदार आणि कायद्याचे उल्लंघन करणारे आहेत. त्यामुळे कायद्याचे उल्लंघन करणारे आहेत. त्यामुळे कायदेशीर कारवाई पुढे जाईल.

तुकाराम मुंढे यांनी बजावलेल्या नोटीसला तिन्ही अभिनेत्यांनी प्रतिसाद दिला नाही. तिन्ही अभिनेत्यांनी यावर खुलासा केला नाही. विमल इलायचीच्या नावाखाली बंदी असलेला विमल पान मसाला छुप्या पद्धतीने त्याची जाहिरात केली जात आहे. तिन्ही अभिनेत्यांना 15 दिवसांचा वेळ खुलासा करण्यासाठी देण्यात आला होता. तुकाराम मुंढे पहिल्यांदाच त्यावर बोलताना दिसले.

तुकाराम मुंढे यांच्याकडून जोरदार कारवाया राज्यभरात केल्या जात आहेत. तुकाराम मुंढे यांच्या या कारवायांमुळे हॉटेलचालकांचे धाबे दणाणली आहेत. तुकाराम मुंढे यांच्याकडून कोणाचीही गय केली जात नाही. तुकाराम मुंढे यांनी स्वत: मोठा खुलासा केला की, माझ्या मित्राने मला हॉटेलमध्ये जेवणासाठी आमंत्रण दिले. पण मी त्याला अगोदरच म्हटले होते की, मला नको मी बारकाईने गोष्टी बघतो. तिथे गेल्यावर माझ्या ताटात पनीर वाढण्यात आले ते ऑरीजनल पनीर नव्हते.