छोट्या पुढारीने गुडघ्यावर बसून मागितली ‘या’ अभिनेत्रीची चक्क माफी, लोकांचा संताप, थेट म्हणाले…

बिग बॉस मराठीच्या घरात धमाका होताना दिसतोय. विशेष म्हणजे हे सीजन हंगामा करताना दिसत आहे. मुळात म्हणजे बिग बॉस मराठीच्या या सीजनकडून प्रेक्षकांना मोठी अपेक्षा ही नक्कीच आहे. अनेक दिग्गज कलाकार या सीजनमध्ये सहभागी झाले आहेत. विशेष म्हणजे वर्षा उसगांवकर या देखील जबरदस्त गेम खेळताना बिग बॉसच्या घरात दिसत आहेत. बिग बॉसच्या निर्मात्यांकडून घरातील सदस्यांना एक गेम दिला. मात्र, या गेममध्ये दोन्ही टीमला यश मिळाले नाही आणि दोन्ही टीम हरल्या. यानंतर बिग बॉसच्या निर्मात्यांकडूनच मोठा गेम खेळण्यात आला. यानंतर अरबाज पटेल याला चक्क आपली कॅप्टनशी सोडावी लागली.

अरबाज पटेल याने जरी घरातील सर्व सदस्यांसाठी आपली कॅप्टनशी सोडली असली तरीही त्यालाच निर्णय घ्यायचा होता की, बिग बॉसच्या घरातील पुढचा कॅप्टन कोण असणार. अरबाज पटेल याने सांगितले की, निकीचा बर्थडे काही दिवसांवर आहे आणि तिला बर्थडे गिफ्ट म्हणून मी कॅप्टनशी देऊ इच्छितो. कारण तिने मला बोलून दाखवले होते की, तिला बिग बॉसच्या घराचे कॅप्टन व्हायचे आहे.

अरबाज पटेल याने घरातील सर्व सदस्यांसाठी आपली कॅप्टनशी सोडल्याने सर्वांनी त्याचे काैतुक केले. हेच नाही तर आता निकी तांबोळी ही बिग बॉसच्या घराची नवीन कॅप्टन आहे. गेल्या भागामध्येच बिग बॉसच्या घरात घनश्याम दरोडे आणि निकी तांबोळी यांच्यामध्ये वाद बघायला मिळाला. दोघांमध्ये जोरदार भांडणे देखील झाली. आता असे काही घडले की, हे पाहून सर्वजण हैराण झाले.

नुकताच बिग बॉसच्या घरात निकी तांबोळी आणि घनश्याम हे बोलताना दिसले. यावेळी निकी तांबोळी ही घनश्याम याला म्हणाली की, तू खरे सांग…तू त्यांनी जसे सांगितले तसे बोलला नव्हता ना…यावर घनश्याम स्पष्टीकरण देताना दिसला. मी खरोखरच तसे बोललो नसल्याचे सांगताना छोटा पुढारी हा दिसला. हेच नाही तर पुढे छोटा पुढारी हा चक्क गुडघ्यावर बसून निकी तांबोळी हिची माफी मागताना देखील दिसला.

यानंतर निकी तांबोळी हिने देखील घनश्याम अर्थात छोट्या पुढारीला माफ केले. मात्र, छोट्या पुढारीने ज्याप्रकारे निकी तांबोळी हिची माफी मागितली हे लोकांना अजिबातच आवडले नाही. आता यावरून छोट्या पुढारीवर जोरदार टीका ही केली जातंय. अनेकांचे म्हणणे आहे की, गुडघ्यावर बसून निकीची माफी मागण्याची गरज घनश्यामला अजिबातच नव्हती.