Priya Marathe Death: तुझा वेडा हट्ट होता वेडे म्हणून…, प्रिया मराठेच्या निधनानंतर जवळच्या व्यक्तीची हृदयस्पर्शी पोस्ट

Priya Marathe Death: अभिनेत्री प्रिया मराठे हिने वयाच्या 38 व्या वर्षी अखेरचा श्वास घेतला आहे. कर्करोगामुळे अभिनेत्रीचं निधन झालं. प्रिया हिच्या निधनानंतर सिनेविश्वावर शोककळा पसरली आहे. आतापर्यंत अनेकांनी सोशल मीडियाच्या माध्यमातून प्रिया हिच्यासोबत असलेल्या आठवणी शेअर केल्या आहे. प्रिया हिच्यासोबत घालवलेले क्षण, एकत्र शेअर केलेल्या भावना, हसणं, रडणं… सर्वकाही अनेकांच्या डोळ्यासमोर सतत येत आहे. अनेक सेलिब्रिटींनंतर अभिनेत्री राजश्री निकम हिने देखील एक पोस्ट शेअर केली आहे.

प्रिया हिच्या झालेल्या शेवटच्या भेटीचा फोटो देखील राजश्री हिने शेअर केला आहे. फोटो पोस्ट करत राजश्री म्हणाली, अंग वेडे…. गेल्या वर्षी तु बरी झाल्यावर आपण तुझ्या घरी भेटलो. तेव्हाचा हा फोटो. तु, मी, वॅन्डीने खुप गप्पा मारल्या, पोट दुखेपर्यंत हसलो आणि एकमेकींना मिठी मारून रडलो… आणि तु म्हणाली होतीस now no looking back . वेडी…. My brave वेडी…. Group मध्ये आपण एकमेकांना वेडे म्हणतो.

त्या दिवशी ही वेडेपणा केला आपण. रात्री तू आम्हाला see off करायला खाली आलीस.. आणि समोरून लग्नाची वरात जात होती. आपण दोघींनी एकमेकींना नजरेने खुणवुनच विचारल करायचा का वेडेपणा? वॅन्डी नको नको म्हणत असताना आपण दोघी त्या music वर जवळ जवळ १५ मिनिट रस्त्यावर मनसोक्त नाचलो… यार…. वॅन्डीने video करायला हवा होता…. तो दिवस होता 30 January 2024. नंतर भेटलोच नाही. केवळ तुझ्या हट्टापायी.

न भेटणं हा तुझा वेडा हट्ट होता वेडे… आज इच्छा असूनही तुला भेटायला येता येत नाही वाईत shooting करत असल्यामुळे, बघितलस म्हणून असे वेडे हट्ट करू नये वेडे… प्रियाऽऽऽऽऽऽऽऽ Love you वेडे…, सध्या अभिनेत्रीची पोस्ट सोशल मीडियावर तुफान व्हायरल होत आहे.

मिळालेल्या माहितीनुसार अभिनेत्रीने कर्करोगावर मात देखील केली. पण पुन्हा तिची प्रकृती खालावली… ‘तुझेच मी गीत गात आहे’ या माहिकेत अभिनेत्रीने मुख्य भूमिका साकारली होती. पण मालिका सुरु असताना प्रियाला कर्करोगाचं निदान झालं आणि प्रियाने मालिकेतून ब्रेक घेतला. अभिनेत्रीच्या निधनानंतर कुटुंबियांवर देखील दुःखाचा डोंगर कोसळला आहे.