Dhurandhar 2 : एकदम सेम टू सेम, तुम्हाला वाटेल की खरे नवाझ शरीफ आहेत, कोण आहे हा कलाकार? धुरंधर 2 मध्ये अजून एक कमाल

आदित्य धरच्या धुरंधर 2 चित्रपटाने कमाल केलीय. लोकांना हा चित्रपट खूप आवडतोय. प्रेक्षक हा चित्रपट पाहण्यासाठी तुटून पडलेत. बॉक्स ऑफिसवरील कमाईचा आकडा याची साक्ष देतोय. रिलीज झाल्यापासून अवघ्या चार दिवसात या चित्रपटाने आतापर्यंत 400 कोटींचा टप्पा पार केला आहे. हा चित्रपट बाहुबलीसह अन्य काही चित्रपटांचा कमाईचा आकडा लवकरच मोडेल असं चित्र आहे. धुरंधर 2 ची स्टोरी हे या चित्रपटाचं मुख्य यश आहेच. पण यातली कलाकारांची निवड देखील तितकीच महत्वाची आहे. आदित्य धरने जे कलाकार निवडलेत ते कथानकातील प्रत्येक पात्रासाठी एकदम फिट बसलेत. या चित्रपटाच्या अगदी छोट्यातला छोटा रोल करणारा कलाकार सुद्धा प्रेक्षकांच्या डोक्यात फिट बसला आहे.

आर माधनव अजय सन्यालच्या रोलमध्ये आहे. भारताचे NSA अजित डोवाल यांच्यापासून प्रेरित असलेलं हे कॅरेक्टर आहे. या भूमिकेसाठी आर. माधवनचा जो मेकअप करण्यात आलाय. त्यावरुन तो एकदम हुबेहूब अजित डोवालच वाटतो. दुसरीकडे अजून एक पात्र आहे, ज्याला पाहिल्यानंतर पाकिस्तानचे माजी पंतप्रधान नवाझ शरीफ यांची आठवण येते. खऱ्या नवाझ शरीफ यांच्या पक्षाचं नाव PML-N आहे. धुरंधर 2 मध्ये नवाझ शरीफ यांना नवाब शफीक म्हणून दाखवलं आहे. त्यांच्या पक्षाला एमएमपी नाव दिलं आहे. नवाब शफीक हे कॅरेक्टर पडद्यावर पाहताना हुबेहूब नवाझ शरीफ यांची आठवण येते.

अनेक मीम्स व्हायरल

नवाब शफीक हे खरेखुर नवाझ शरीफ वाटतात. मेकअप, चेहरा एकदम सेम टू सेम. हे खरंतर आदित्य धरच यश आहे. नवाब शफीकच हे कॅरेक्टर पाहून अनेकांनी इंटरनेटवर आदित्य धरला खऱ्याखुऱ्या नवाझ शरीफ यांनी हा रोल केलाय का? अशी विचारणा केली आहे. इंटरनेटवर यावरुन अनेक मीम्स व्हायरल झाले आहेत.

At first I thought the real Nawaz Sharif in the movie Dhurandhar. pic.twitter.com/83kmUnVPLU

— Sunil Goriya (@Sunil_Goriya) March 20, 2026

मशहूर अमरोहीने हा नवाब शफीकचा रोल केला आहे. प्रसिद्ध चित्रपट दिग्दर्शक कमाल अमरोही यांचा तो नातू आहे. पाकीझा, महल, रझिया सुल्ताना या चित्रपटासाठी कमला अमरोही ओळखले जातात. मशहूरचे वडील ताजदार अमरोही हे लेखक, दिग्दर्शक होते.