Jaya Bachchan यांचा मोठा खुलासा, ‘अमिताभ बच्चन माझ्यासोबत कधीच रोमाँटिक नव्हते, पण गर्लफ्रेंडसोबत…’

मुंबई | 17 फेब्रुवारी 2024 : अभिनेत्री जया बच्चन (Jaya Bachchan) कायम त्यांच्या खासगी आयुष्यामुळे चर्चेत असतात. जया बच्चन यांना बॉलिवूडचे महानायक अमिताभ बच्चन (Amitabh Bachchan) यांच्यासोबत लग्न केलं आणि अभिनेता रेखा यांच्यासोबत बिग बी यांच्या नात्यामुळे सर्वत्र चर्चांना उधाण आलं. अमिताभ बच्चन आणि रेखा यांच्या नात्याच्या चर्चा आज देखील चाहत्यांमध्ये रंगलेल्या असतात. पण एका मुलाखतीत जया बच्चन यांनी स्पष्ट सांगितलं होतं की, ‘अमिताभ बच्चन माझ्यासोबत कधीच रोमाँटीक नव्हते…’ असं म्हणत जया याने बिग बी यांच्या गर्लफ्रेंडबद्दल देखील मोठं वक्तव्य केलं.

एका मुलाखतीत जया बच्चन यांना ‘अमिताभ बच्चन रोमाँटीक आहेत का?’ असा प्रश्न विचारला होता. या प्रश्नाचं जया बच्चन यांनी उत्तर हिल्यानंतर बिग बी देखील हैराण झाले. ‘मला नाही वाटत अमिताभ बच्चन रोमाँटिक आहे. कमीत कमी माझ्यासोबत तरी नाही. कदाचित त्यांची गर्लफ्रेंड असती तर अमिताभ बच्चन यांनी तिच्यासाठी फूल, वाईन आणणं, रोमाँटिक होणं असं सर्वकाही केलं असतं…’ एवढंच नाही तर, अमिताभ बच्चन लाजाळू आहेत… असं देखील जया बच्चन म्हणाल्या होत्या.

जया बच्चन यांनी प्रश्नाचं उत्तर दिल्यानंतर, ‘गर्लफ्रेंड असताना अमिताभ बच्चन रोमाँटिक होते का?’ असा प्रश्न देखील विचारण्यात आला. यावर जया बच्चन म्हणाल्या, ‘आम्ही जेव्हा एकमेकांना डेट करत होतो. तेव्हा आम्ही बोलायचो नाही. कधीतरी आमच्यामध्ये बोलणं व्हायचं.’ यावर अमिताभ बच्चन म्हणाले, ‘रोमान्स म्हणजे फक्त वेळ वाया घालावणं आहे…’ सध्या सर्वत्र फक्त आणि फक्त जया बच्चन आणि अमिताभ बच्चन यांच्या नात्याची चर्चा रंगली आहे.

अमिताभ बच्चन आणि जया बच्चन यांनी 3 जून 1973 रोजी लग्न केलं. लग्नानंतर त्यांच्या आयुष्यात अनेत चढ-उतार आले पण दोघांनी देखील कधीच एकमेकांची साथ सोडली नाही. आता देखील अनेक ठिकाणी जया बच्चन आणि अमिताभ बच्चन यांना एकत्र स्पॉट केलं जातं.

अमिताभ बच्चन वयाच्या 81 व्या वर्षी देखील बॉलिवूडमध्ये सक्रिय आहेत. गेल्या अनेक वर्षांपासून अमिताभ बॉलिवूडवर राज्य करत आहेत. पण कोणीही अमिताभ बच्चन यांची जागा घेतली नाही. जया बच्चन देखील कायम कोणत्या न कोणत्या कारणामुळे चर्चेत असतात. गेल्या वर्षी जया बच्चन ‘रॉकी और राणी की प्रेम कहाणी’ सिनेमाच्या माध्यमातून चाहत्यांच्या भेटीस आल्या होत्या. सिनेमाने बॉक्स ऑफिसवर देखील दमदार कमाई केली.