‘जोधा अकबर’ फेम अभिनेत्यावर जीवघेणा हल्ला; कुऱ्हाड खेचून हल्लेखोरावरच केला पलटवार, पहा Video
अमनने बऱ्याच पंजाबी चित्रपटांमध्ये काम केलंय. त्याचसोबत काही बॉलिवूड चित्रपटांमध्येही त्याने भूमिका साकारल्या आहेत. हृतिक रोशन आणि ऐश्वर्या रायच्या 'जोधा अकबर' या चित्रपटात तो महत्त्वपूर्ण भूमिकेत होता.
कॅलिफोर्निया : अमेरिकेच्या कॅलिफोर्नियामध्ये प्रसिद्ध पंजाबी अभिनेता अमन धालिवालवर एका व्यक्तीने कुऱ्हाड आणि चाकूने वार केला. ही घटना बुधवारी सकाळी 9.30 वाजताच्या सुमारास घडली. या घटनेत अमनला दुखापत झाली असून त्याला रुग्णालयात दाखल करण्यात आलं आहे. पोलिसांनी हल्लेखोराला ताब्यात घेतलं आहे. संबंधित व्यक्तीने अमनवर हल्ला का केला, हे मात्र अद्याप स्पष्ट होऊ शकलं नाही.
हल्ल्याचा व्हिडीओ आला समोर
अमन कॅलिफोर्नियातील ग्रँड ऑक्स परिसरातील एका जिममध्ये वर्कआऊट करण्यासाठी गेला होता. त्यावेळी एक व्यक्ती हातात चाकू आणि कुऱ्हाड घेऊन जिममध्ये आली आणि त्याने अमनवर हल्ला केला. हल्लेखोराने अमनला धरून ठेवलं आणि तो ओरडत राहिला, “मला पाणी द्या, माझा सन्मान करा. मला पाण्याची गरज आहे, तुम्ही माझा फायदा उचलू शकत नाही.”
हे ओरडत असतानाच हल्लेखोर अमनला चाकू दाखवून धमकी देत होता. हल्लेखोराच्या हालचाली पाहून संधी मिळताच अमन त्याला पकडतो आणि जमिनीवर ढकलतो. त्यानंतर जिममध्ये उपस्थित असलेले इतर लोक आणि सुरक्षा रक्षक येऊन त्याची मदत करतात. मात्र या झटापटीत हल्लेखोराने अमनवर काही वार केले.
पहा हल्ल्याचा व्हिडीओ
Famous actor Aman Dhaliwal, who has worked in Punjabi and Hindi films, has been fatally attacked in America. The attack took place when he was exercising in the gym. An assailant entered the gym armed with a knife and launched an attack. pic.twitter.com/4CgtTYJB3y
— Parmeet Bidowali (@ParmeetBidowali) March 16, 2023
अमन हा पंजाबी फिल्म इंडस्ट्रीमधील प्रसिद्ध अभिनेता आहे. त्याने मॉडेलिंग करत करिअरची सुरुवात केली. त्यानंतर तो पंजाबी गाण्यांमध्ये झळकला. अमनने बऱ्याच पंजाबी चित्रपटांमध्ये काम केलंय. त्याचसोबत काही बॉलिवूड चित्रपटांमध्येही त्याने भूमिका साकारल्या आहेत. हृतिक रोशन आणि ऐश्वर्या रायच्या ‘जोधा अकबर’ या चित्रपटात तो महत्त्वपूर्ण भूमिकेत होता.
कॅनडाच्या ओंटारियो भागात गेल्या वर्षी 5 डिसेंबर रोजी 21 वर्षीय शीख तरुणीची गोळी झाडून हत्या करण्यात आली होती. पोलिसांनी या प्रकरणाला टारगेट किलिंग मानलं होतं. “मृत तरुणी ब्रँम्पटनची राहणारी पवनप्रीत कौर आहे. मिसिसॉगा शहरात ती तिच्या गाडीमध्ये पेट्रोल भरत होती. त्याचवेळी अज्ञात व्यक्तीने तिच्यावर गोळी झाडली.” त्याआधी अमेरिकेत पंजाबी कुटुंबातील चौघांची अपहरण करून हत्या करण्यात आली होती.
