परवीन बाबीच्या प्रेमात वेडे झालेल्या कबीर बेदींनी पत्नीपासून घेतला होता घटस्फोट, वैयक्तिक जीवनाविषयी केले अनेक खुलासे!

परवीन बाबीच्या प्रेमात वेडे झालेल्या कबीर बेदींनी पत्नीपासून घेतला होता घटस्फोट, वैयक्तिक जीवनाविषयी केले अनेक खुलासे!
कबीर बेदी

बॉलिवूडचा दिग्गज अभिनेता कबीर बेदी (Kabir Bedi) हा त्याच्या काळातील एक उत्कृष्ट कलाकार आहे. आपल्या खलनायकी आयुष्याइतकेच तो वैयक्तिक जीवनाबद्दलही  बराच चर्चेत राहिला आहे.

Harshada Bhirvandekar

| Edited By: अनिश बेंद्रे

Apr 13, 2021 | 8:30 AM

मुंबई : बॉलिवूडचा दिग्गज अभिनेता कबीर बेदी (Kabir Bedi) हा त्याच्या काळातील एक उत्कृष्ट कलाकार आहे. आपल्या खलनायकी आयुष्याइतकेच तो वैयक्तिक जीवनाबद्दलही  बराच चर्चेत राहिला आहे. त्यांनी ‘स्टोरीज आय मस्ट टेल: द इमोशनल लाइफ ऑफ द अ‍ॅक्टर’ या पुस्तकाचे प्रकाशन केले आहे. या पुस्तकात कबीर बेदी यांनी आपल्या वैयक्तिक आयुष्यासह बॉलिवूड प्रवासाबद्दल अनेक खुलासे केले आहेत. त्यांनी परवीन बाबीशी (Parveen Babi) असलेल्या संबंधाबद्दलही पुस्तकात अनेक खुलासे केले आहेत (Kabir Bedi and Parveen Babi lovestory mentioned in actors new book).

पुस्तकाच्या एका भागात कबीर बेदी यांनी आपल्या पहिल्या लग्नाविषयी सांगितले आहे. ओडिसी नर्तिका प्रोतिमा गुप्तासोबत त्यांचे लग्न कसे मोडले, याबद्दलही सांगितले आहे. त्यानी सांगितले की सुरुवातीला ‘ओपन मॅरेज’ ही कल्पना चांगली वाटते पण नंतर मात्र काळात आपल्याला फक्त चिंता वाटते. या लग्नात मला शेअरिंग आणि केअरिंग हवी होती, जी मला कधीच भेटली नाही. मला ते प्रेम देता आले नाही. ती जादू नंतर ओसरून गेली. मला एकटं वाटत होतं. त्यांनतर परवीन बाबींनी ती पोकळी भरून काढली.

परवीन बाबीसाठी वेडे झाले होते कबीर बेदी

कबीर बेदी यांनी आपल्या पुस्तकात सांगितले आहे की, परवीन बाबी यांनी आपल्या आयुष्यातील खास रिक्त जागा भरली होती. ती खूप सुंदर होती, तिची गोरी त्वचा, काळे लांब केस आणि सुंदर डोळे. त्यावेळी मला परवीन डॅनीची मैत्रीण म्हणून माहित होती. डॅनी परवीनपेक्षा एक वर्ष मोठा होता. दोघे 4 वर्षे एकत्र राहिले. त्या चार वर्षांत परवीन एक यशस्वी अभिनेत्री बनली आणि डॅनी बॉलिवूडचा एक चांगला खलनायक बनला.

परवीन बाबीच्या या गोष्टींमुळे कबीर बेदी पडले प्रेमात

कबीर बेदी म्हणाले की, परवीन बाबी बिनधास्त जीन्स परिधान करत आणि सार्वजनिक ठिकाणी सिगारेट ओढत असत. ज्यामुळे लोक त्यांना मॉडर्न मानत असायचे. परंतु, वास्तविक जीवनात त्या अगदी उलट होत्या. त्या खूप पुराणमतवादी होत्या. जेव्हा लोक जुहूमधील ओशोच्या आश्रयस्थानातील विनामूल्य सेक्सबद्दल बोलत असत तेव्हा, परवीनचा असा विश्वास होता की, लैंगिक संबंधात निष्ठा असली पाहिजे. परवीनच्या या गोष्टींच्या प्रेमात कबीर बेदी पडले होते (Kabir Bedi and Parveen Babi lovestory mentioned in actors new book).

प्रोतिमाला सांगणे सोपे नव्हते!

कबीर बेदी म्हणतात की, परवीन बाबीबद्दल प्रोतिमाला सांगणे सोपे नव्हते. प्रोतिमा घरी आल्यावर मी तिला सांगितले की, मी रात्री परवीनच्या घरी जात आहे. यावर प्रोतिमा म्हणाली, मी आजच आले आहे, माझ्याबरोबर थांब. मात्र, मी नकार दिला आणि म्हणाली की, मला आज आणि दररोज रात्री तिच्याबरोबर राहायचे आहे. त्या क्षणी, प्रोतिमाला समजले की आमचे नात बदलले आहे. तिने एक दीर्घ श्वास घेतला आणि माझ्याकडे पाहिले आणि विचारले, तू तिच्यावर प्रेम करतोस? मी, हो म्हणालो.’

त्यानंतर प्रोतिमाने मला विचारले की, ती देखील तुझ्यावरही प्रेम करते का? मी खिन्नपणे हो म्हणालो. मला माहित होते की, मी हे संबंध संपवत आहे. आम्ही आयुष्याची 6 वर्षे एकत्र घालवली होती ज्यात आनंद आणि दु:ख समाविष्ट होते. मी त्या वेळी ब्रेक करू शकलो नाही, यातून सावरण्यासाठी मला स्वत:ला बळकट करावे लागले. मी तिला गुडबाय म्हटले. त्यानंतर प्रोतिमा खूप रडू लागली. ती पलंगाच्या बाजूला रडत बसली आणि मला तिथून निघून जाण्यास सांगितले. 1977 मध्ये कबीर बेदी आणि प्रोतिमा यांचा घटस्फोट झाला. त्यांना एक मुलगी (पूजा बेदी) देखील आहे. तर, 2005मध्ये परवीन बाबी या जगाचा निरोप घेऊन निघून गेली.

(Kabir Bedi and Parveen Babi lovestory mentioned in actors new book)

हेही वाचा :

Video | ‘बिग बॉस’ फेम अभिनेत्रीवर मोराचा हल्ला, पाहा नेमकं काय घडलं…

Jamaica To India : ख्रिस गेलच्या डान्स मूव्ह पाहून बॉलिवूडकरही होतील हैराण, नवीन गाण्याचा इंटरनेटवर धुमाकूळ!

Follow us on

Most Read Stories

Click on your DTH Provider to Add TV9 MARATHI

राज्य चुनें