शेतकरी आंदोलनावरुन कंगना रानौत आणि दिलजित दोसांझमध्ये ट्विटर वॉर

नवी दिल्ली: दिल्लीच्या वेशीवर सुरु असलेल्या शेतकरी आंदोलनावरुन अभिनेत्री कंगना रानौत (Kangana Ranaut) आणि बॉलिवूड अभिनेता दिलजित दोसांझ (Diljit Dosanjh) यांच्यात सुरु झालेले ट्विटर वॉर आता शिगेला पोहोचला आहे. कंगना रानौत हिने नेहमीप्रमाणे पातळी सोडून दिलजित दोसांझ याच्यावर टीका केली. मात्र, दिलजित दोसांझ यानेही कंगनाला तितक्याच सडेतोड भाषेत प्रत्युत्तर दिले आहे. (Kangana Ranaut and Diljit Dosanjh twitter war)

काही दिवसांपूर्वी कंगनाने शेतकरी आंदोलनात सहभागी झालेल्या एका वृद्ध महिलेला बिलकिस बानो म्हणत त्यांची खिल्ली उडविली होती. त्यावर दिलजित दोसांझ याने ‘कोणी इतकेही आंधळे असू नये’, अशी टिप्पणी केली होती.

त्यावर कंगना रानौत हिने नेहमीप्रमाणे अद्वातद्वा बोलत दिलजित दोसांझवर टीका केली. तिने दिलजितला करण जोहरचा ‘पाळीव कुत्रा’ म्हटले. तू रोज ज्यांची चाटून काम मिळवतोस मी त्यांची रोज वाजवते. त्यामुळे जास्त उडू नकोस. मी कंगना रानौत आहे, तुझ्यासारखी चमची नाही, अशा अत्यंत खालच्या भाषेत कंगनाने दिलजितवर टीका केली.

Tuneh Jitne Logon Ke Saath Film Ki Tu Un Sab Ki Paaltu Hai…? Fer To List Lambi Ho Jaegi Maalko Ki..?

Eh Bollywood Wale Ni PUNJAB Wale aa .. Hikk Te Vajj Sadey

Jhooth bol kar logo ko badhkana aur emotions se khailna woh toh aap achey se janti ho.. https://t.co/QIzUDoStWs

— DILJIT DOSANJH (@diljitdosanjh) December 3, 2020

कंगनाच्या या ट्विटला दिलजित दोसांझ यानेही सडेतोड प्रत्युत्तर दिले. तू आजपर्यंत जितक्या जणांबरोबर चित्रपट केलेस, त्यांची तू पाळीव आहेस का? मग तर ही यादी वाढतच जाईल. आम्ही बॉलिवूडवाले नाही तर पंजाबवाले आहोत. खोटं बोलून लोकांना चिथवणे आणि भावनांशी खेळणे तुला चांगले जमते, असे दिलजितने आपल्या ट्विटमध्ये म्हटले. त्यामुळे आता आगामी काळात दिलजित आणि कंगनातील हे ट्विटर वॉर आणखीनच भडकण्याची चिन्हे दिसत आहेत.

अनेक बॉलिवूड सेलिब्रिटी आणि नेटकऱ्यांनी ट्विट करून दिलजित दोसांझला पाठिंबा दर्शवला आहे. यामध्ये दिग्दर्शक हंसल मेहता आणि अभिनेत्री स्वरा भास्कर याचा समावेश आहे.

Aa JAA… Kam Mai Hun Da Ni Karda ..Tuney Kitno ki Chaati Hai Kaam Ke Lie?

Mai Bollywood Mai Strugle ni karta madam.. Bollywood wale aa ke kehnde aa film kar Lao SIR

Mai tainu das riha eH BOLLYWOOD WALE NI PUNJAB WALE AA

2 Dian 4 Ni 36 Sune gi.. https://t.co/KSHb45Xpak

— DILJIT DOSANJH (@diljitdosanjh) December 3, 2020

कंगना रानौतचे ट्विटर अकाऊंट बंद करा; उच्च न्यायालयात याचिका

अभिनेत्री कंगना रानौतचे ट्विटर अकाऊंट निलंबित ( suspend ) करण्यासाठी मुंबई उच्च न्यायालयात याचिका दाखल करण्यात आली आहे. CRPC कलम 482 प्रमाणे तिच्यावर कारवाई व्हावी, अशी मागणी याचिकेत करण्यात आली आहे. कंगना रानौत ट्विटरच्या माध्यमातून देशात विष पसरवत आहे, असे याचिकाकर्त्यांनी म्हटले आहे.

संबंधित बातम्या:

Kangana Ranaut | शेतकरी आंदोलनात सामील ‘दादी’वर टीका, कंगनाला 7 दिवसांत माफी मागण्याचा ‘अल्टीमेटम’

(Kangana Ranaut and Diljit Dosanjh twitter war)