Box Office : प्रेमासमोर Mahavatar Narsimha ची भिंत, सैय्याराने किती कमावले ?
Box Office Clash : 2025 चं वर्ष बॉक्स ऑफिसवर एकामागून एक लढाई पाहायला मिळणार आहे. सध्या दोन मोठे चित्रपट एकमेकांशी भिडले आहेत. दोन्ही कमी बजेटचे आहेत आणि दोन्हीही उत्तम कामगिरी करत असल्याचे दिसून येत आहे. एकीकडे, तरुण जोडप्याची प्रेमकथा 'सैय्यारा' खूप पसंत केली जात आहे, तर नुकताच प्रदर्शित झालेला ॲनिमेटेड चित्रपट 'महावतार नरसिंह' देखील धमाल करत आहे. या दोन्ही चित्रपटांपैकी कोणता चित्रपट पुढे येतो हे पाहणे बाकी आहे.
Mahavatar Narsimha Vs Saiyaara Box Office Collection : साऊथ आणि हिंदी चित्रपटांचं युद्ध आता जुनं झालं आहे. पण तो सामना तितकाच रोमांचकही असतो. सध्या बॉक्स ऑफीसवर 2 चित्रपटांची एकमेकांशी जोरदार टक्कर होत आहे. यापैकी एक चित्रपट म्हणजे सैय्यारा हा एक रोमँटिक चित्रपट आहे आणि दुसरा महावतार नरसिंह हा एक ॲनिमेटेड चित्रपट आहे. दोन्ही चित्रपटांबद्दल खास गोष्ट म्हणजे हे दोन्ही कमी बजेटचे चित्रपट आहेत आणि रिलीज होण्यापूर्वी या दोन्ही चित्रपटांचे फारसे प्रमोशन झाले नव्हते. पण यानंतरही हे दोन्ही चित्रपट प्रेक्षकांना आकर्षित करण्यात यशस्वी ठरले आहेत. या दोन्हींपैकी कोणत्या दोन्ही चित्रपटांनी चांगली कामगिरी केली आहे आणि बॉक्स ऑफिसच्या शर्यतीत कोणता चित्रपट पुढे आहे, ते जाणून घेऊया.
महावतार नरसिंहाची 7 दिवसांत कमाई किती ?
सॅकॅनिल्कच्या वृत्तानुसार, महावतार नरसिंह दररोज सुमारे 7 कोटी रुपये कमावत आहे. सातव्या दिवशी म्हणजेच गुरुवारी चित्रपटाने 7.50 कोटी रुपये कमावले आहेत. वीकडेजमध्येही हा चित्रपट चांगली कमाई करत आहे. या चित्रपटाने 7 दिवसांत 44.75 कोटींचा गल्ला जमवला आहे. आठवड्याच्या शेवटी चित्रपटाकडून अपेक्षाही वाढल्या आहेत. दुसऱ्या आठवड्यातही हा चित्रपट आश्चर्यकारक कमाई करेल आणि नफा कमवेल अशी अपेक्षा आहे. रिपोर्ट्सनुसार, चित्रपटाचे बजेट 50 कोटी असल्याचे सांगितले जात आहे. म्हणजेच आता हा चित्रपट लवकरच त्याचे बजेट वसूल करेल.
सैय्याराचं 14 व्या दिवसाच बॉक्स ऑफीस कलेक्शन किती ?
सैय्यारा बद्दल बोलायचे झाले तर, या चित्रपटाची जादू अजूनही कायम आहे पण सध्या या चित्रपटाला महावतार नरसिंह या चित्रपटाकडून मोठी स्पर्धा आहे. दोन्ही चित्रपट चांगले कमाई करत आहेत पण महावतार बॉक्स ऑफिसवर थोड्या फरकाने पुढे आहे. गुरुवारी ‘महावतार नरसिंह’ने 7.50 कोटी रुपये कमावले, तर दुसरीकडे ‘सैयारा’ने 6.50 कोटी रुपये कमावले. सध्या महावतार नरसिंह हा चित्रपट कदाचित आकड्यांमध्ये पुढे असेल, परंतु लक्षात घेण्याजोगा मुद्दा म्हणजे की, सैयाराच्या 14 व्या दिवसाचे आकडे आहेत. सकनिल्कच्या मते, चित्रपटाने 14 दिवसांत 280.50 कोटी रुपये कलेक्शन केले आहेत. जगभरातील त्याचे कलेक्शनही 400 कोटी रुपयांच्या पुढे गेले आहे.
महावतार नरसिंह – सैय्यारा मध्ये कोण पडलं भारी ?
कमी बजेटच्या ॲनिमेटेड चित्रपट महावतार नरसिंहने सर्वांना आश्चर्यचकित केले आहे आणि अवघ्या एका आठवड्यात त्याचे बजेट वसूल केले आहे, परंतु त्या तुलनेत, सैयारा चित्रपटाचा यशाचा दर खूप जास्त आहे. या चित्रपटाने प्रदर्शनाच्या अवघ्या 3 दिवसांतच त्याचे बजेट वसूल केले आणि तेव्हापासून हा चित्रपट नफ्यात आहे. या चित्रपटाने जगभरात त्याच्या बजेटपेक्षा जवळजवळ 10 पट जास्त कमाई केली आहे आणि 500 कोटींच्या कलेक्शनकडे वेगाने वाटचाल करत आहे.
