Marathi Movie : ‘अदृश्य’ चित्रपटाच्या चित्रीकरणाला सुरुवात, झळकणार मंजरी फडणीस आणि पुष्कर जोग यांची जोडी

मुंबई : मराठीतील ‘अदृश्य’ हा चित्रपट लवकरच प्रेक्षकांच्या भेटीला येणार आहे.   या चित्रपटाच्या निमित्तानं मंजरी फडणीस आणि पुष्कर जोग ही जोड़ी आपली जादू दाखवणार आहे. महत्वाचं म्हणजे मंजरी फडणीस या चित्रपटात हॉरर भूमिका साकारताना दिसणार आहे.

‘फॅमिली ऑफ ठाकूरगंज’ या चित्रपटानंतर निर्माते अजय कुमार सिंग यांनी रिजनल मराठी सिनेमाकडे जाण्याचा निर्णय घेतला आहे आणि 2010 मध्ये स्पेनिश ‘ज्युलिया आयज’ या चित्रपटाचा रीमेक  मराठीमध्ये ‘अदृश्य ‘ चित्रपटाची निर्मिती करण्यास सुरुवात केली आहे. जून 2021 मध्ये महाराष्ट्रातील सर्व चित्रपट गृहात हा चित्रपट रिलीज होणार आहे.

चित्रपटाचे दिग्दर्शक कबीर लाल आणि सुमारे 90 लोकांचा ग्रुप सध्या उत्तराखंडच्या थंडीत चित्रपटाचं शूटिंग करत आहेत.

या चित्रपटात मंजरी फडणीस, पुष्कर जोग, सौरव गोखले, अजय कुमार सिंग, उषा नाडकर्णी आणि आनंद जोग खास भूमिकेत असून लवली वर्ल्ड एंटरटेनमेंटच्या बॅनरखाली या चित्रपटाची निर्मिती करण्यात येत आहे.                 ‘अदृश्य ‘ हा मंजरी फडणीस यांचा दुसरा मराठी चित्रपट असेल, या चित्रपटात मंजरी फडणीस ही अदृश्य हॉरर रुपात दिसणार आहे. हे सुपरहिट हॉरर आणि थ्रिलर स्पॅनिश चित्रपटाचे रुपांतर आहे. आता रसिक प्रेक्षकांना या फ्रेश जोडीचा रोमँटिक अंदाज बघण्याची उत्सुकता असणार यात शंका नाही.

संबंधित बातम्या

Budget 2021 | अर्थसंकल्पात बॉलिवूडला भोपळा, मनोरंजन क्षेत्र महागणार?

Marathi Serial : ‘फुलाला सुगंध मातीचा’ मालिकेला नवं वळण, होणार काकीसाहेबांची एंट्री