झोपडपट्टीत गेलं बालपण, आज कोट्यवधींचा मालक; 26 वर्षांनंतर मराठमोळ्या अभिनेत्याने पूर्ण केलं वडिलांचं स्वप्न

झगमगत्या विश्वात असे अनेक अभिनेते आहेत, ज्यांनी स्वतःच्या हिंमतीवर कलाविश्वात भक्कम ओळख निर्माण केली आणि आज हे अभिनेत्यांनी स्वतःची खास ओळख निर्माण केली आहे. अशाच अभिनेत्यांपैकी एक अभिनेता म्हणजे, मराठमोळा अभिनेता सिद्धार्थ जाधव. सिद्धार्थ याने फक्त मराठी नाही तर, हिंदी सिनेविश्वात देखील स्वतःचं नाव फार मोठं केलं आहे. सिद्धार्थ याचं बालपण झोपडपट्टीत गेलं. तर वडिलांचं एक स्वप्न पूर्ण करण्यासाठी अभिनेत्याला 26 वर्ष लागली. पण आज सिद्धार्थ त्याच्या कुटुंबियांसोबत आनंदी आयुष्य जगत आहे.

मुलाखतीत सिद्धार्थ म्हणला, ‘मी झोपडपट्टीमध्ये राहायचो… तो परिसर पूर्ण झोपडपट्टीचा होता… तेथे एक स्टेज होता. त्याठिकाण छोट्या – मोठ्या शिव्या देखील शिकलो. आमच्या परिसरात सर्व सण मोठ्या उत्साहात साजरे व्हायचे. आम्ही प्रोजेक्टरवर सिनेमे पाहायचो… गणपतीचे 11 दिवस रोज नविन सिनेमा दाखवला जायचा…’

‘एके दिवशी प्रोजेक्टरवर माधुरी दीक्षित आणि आनिल कपूर यांचा ‘तेजाब’ सिनेमा दाखवला होता. ‘एक दो तीन’ गाणं आल्यानंतर प्रत्येकाने चिल्लर उडवण्यास सुरुवात केली. तेच चिल्लर आम्ही उचलले आणि सिनेमाचं तिकिट खरेदी केलं होतं… त्या दिवसांची गोष्टच काही वेगळी होती…’

एवढंच नाही तर, यावेळी सिद्धार्थ जाधव याने लहानपणीच्या आठवणी देखील ताज्या केल्या. अभिनेता म्हणाला, ‘माझे वडील लॅबमध्ये टेक्निशीयन होते आणि मला पोलीस अधिकारी व्हायचं होतं.. कारण माझ्या परिसरात अनेक पोलीस होते…’, मुंबईतील दादरचे रहिवासी असलेल्या सिद्धार्थ जाधव याने हे देखील उघड केलं की, त्यांनी त्याच परिसरात आपल्या आई-वडिलांसाठी घर विकत घेऊन अखेर आपले बालपणीचं स्वप्न पूर्ण केलं. हे स्वप्न साकार करण्यासाठी या अभिनेत्याला 26 वर्षे लागली.

सिद्धार्थ म्हणाला, ‘दादरमध्ये राहणं माझं स्वप्न होतं. ज्या ठिकाणी आमचा जन्म झाला आणि आम्ही वाढलो. आम्ही माझ्या वडिलांच्या मित्राच्या घरी राहत होतो; ते घर आमचं नव्हतं. मला तिथे माझं स्वतःचं घर हवं होतं. 26 वर्षांनंतर मी हे स्वप्न पूर्ण केलं. मला माझ्या आई-वडिलांसाठी एक घर विकत घ्यायचं होतं आणि तिथे माझ्या वडिलांची नावाची पाटी लावलेली बघायची होती. माझं एक स्वप्न साकार झालं आणि माझे वडील खूप आनंदी झाले.’, असं देखील अभिनेता म्हणाला.