AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

मिथुन चक्रवर्ती यांच्या पहिल्या पत्नीचं निधन; अखेरच्या पोस्टची नेटकऱ्यांमध्ये चर्चा

अभिनेते मिथुन चक्रवर्ती यांच्या पहिल्या पत्नीचं अमेरिकेत निधन झालं. हेलेना ल्यूक यांनी अमिताभ बच्चन यांच्या 'मर्द' या चित्रपटात काम केलं होतं. मिथुन चक्रवर्ती यांच्याशी लग्नानंतर चार महिन्यांतच त्यांनी घटस्फोट घेतला होता.

मिथुन चक्रवर्ती यांच्या पहिल्या पत्नीचं निधन; अखेरच्या पोस्टची नेटकऱ्यांमध्ये चर्चा
मिथुन चक्रवर्ती आणि त्यांची पहिली पत्नी हेलेनाImage Credit source: Instagram
| Updated on: Nov 04, 2024 | 3:05 PM
Share

अभिनेते मिथुन चक्रवर्ती यांची पहिली पत्नी हेलेना ल्यूक यांचं रविवारी अमेरिकेत निधन झालं. त्या 68 वर्षांच्या होत्या. हेलेना यांनी 1985 मध्ये अमिताभ बच्चन यांच्या ‘मर्द’ या चित्रपटात भूमिका साकारली होती. डान्सर आणि अभिनेत्री कल्पना अय्यरने सोशल मीडियावर त्यांच्या निधनाची पोस्ट शेअर केली आहे. हेलेना यांच्या निधनाचं नेमकं कारण अद्याप स्पष्ट होऊ शकलं नाही. हेलेना यांच्या शेवटच्या पोस्टचीही चर्चा होऊ लागली आहे. ‘खूप विचित्र वाटतंय, अनेक भावना मनात दाटून आल्या आहेत, हे कशामुळे होतंय माहीत नाही. दु:खी वाटतंय’ अशी त्यांची अखेरची पोस्ट होती. हेलेना या मिथुन चक्रवर्ती यांच्या पहिल्या पत्नी होत्या. या दोघांचं लग्न फक्त चार महिनेच टिकलं होतं. त्यानंतर मिथुन यांनी योगिता बाली यांच्याशी दुसरं लग्न केलं. हेलेना या अमिताभ बच्चन यांच्या ‘मर्द’ या चित्रपटाशिवाय ‘एक नया रिश्ता’, ‘मेरे साथ चल’ आणि ‘दो गुलाब’ यांसारख्या चित्रपटांमध्येही झळकल्या होत्या. गेल्या काही वर्षांपासून हेलेना या अमेरिकेतच राहत होत्या. त्यांनी डेल्टा एअरलाइन्ससाठीही काम केलंय.

हेलेना या काही वर्षांपूर्वी ‘स्टारडस्ट’ मॅगझिनला दिलेल्या एका मुलाखतीत मिथुन यांच्यासोबतच्या लग्नाविषयी व्यक्त झाल्या होत्या. त्या म्हणाल्या, “हे माझं चार महिन्यांचं लग्न आता धुसर स्वप्नासारखं वाटतंय. ते झालं नसतं तर बरं झालं असतं असं मला वाटतं. माझ्यासाठी तोच बनला आहे, असा माझा ब्रेनवॉश त्याने केला होता. दुर्दैवाने त्यात तो यशस्वी झाला. मिथुन चक्रवर्तीशी लग्न करणं माझ्यासाठी एका वाईट स्वप्नासारखं होतं. त्यातून मी लवकराच लवकर बाहेर पडले, हे खूप बरं झालं. मीच या लग्नातून बाहेर पडण्याचा निर्णय घेतला आणि त्याच्याकडे घटस्फोट मागितला. तो आता स्टार जरी असला तरी माझा निर्णय काही बदलणार नाही. तो या जगातला श्रीमंत व्यक्ती बनला तरी मी कधीच त्याच्याकडे परत जाणार नाही. मी त्याच्याकडे पोटगीही मागितली नाही. ते एक वाईट स्वप्न होतं आणि ते संपलंय. मिथुननेही माझ्याबद्दल बोलणं थांबवावं. मला त्याच्याबद्दल हीच गोष्ट आवडत नाही. मी त्याच्याबद्दल शेवटचं या मुलाखतीत बोलतेय. काही महिन्यात आमचा घटस्फोट निश्चित होईल आणि त्यानंतर तो काहीही करायला मोकळा असेल.”

हेलेना यांची अखेरची पोस्ट-

या मुलाखतीत हेलेना पुढे म्हणाल्या होत्या, “त्याने जेव्हा मला सांगितलं की तो खरंच माझ्यावर प्रेम करतो तेव्हा मी त्याच्यावर विश्वास केला होता. पण जेव्हा मी त्याला नीट ओळखू लागले तेव्हा मला समजलं की तो फक्त त्याच्यावरच प्रेम करतो. तो खूपच बालिश आहे. मी त्याच्यापेक्षा लहान असले तरी समजूतदारपणाच्या बाबतीत मीच मोठी आहे, असं वाटतंय. तो खूपच पझेसिव्ह आहे आणि त्याने माझ्यावर एक्स बॉयफ्रेंडच्या भेटीचा आरोप केला. मी त्याला भेटले नाही हे समजावण्याचा खूप प्रयत्न केला पण त्याचा संशयी स्वभाव काही केल्या माघार घेण्यास तयार नव्हता. नंतर मला समजलं की माझ्या पाठीमागे त्याने माझी फसवणूक केली आणि त्यावर पडदा ओढण्यासाठी त्याने माझ्यावर खोटे आरोप केले.”

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी