काला चित्रपटाची रिलीज डेट जाहिर, ‘या’ दिवशी येणार प्रेक्षकांच्या भेटीला

मुंबई : अन्विता दत्त पुन्हा एकदा नेटफ्लिक्सवर धमाका करण्यास तयार आहे. अन्विता यांचा काला हा चित्रपट लवकरच प्रेक्षकांच्या भेटीला येणार आहे. या चित्रपटात बाबिल खान आणि स्वस्तिका मुखर्जी हे मुख्य भूमिकेत आहेत. हा चित्रपट एक सायकॉलॉजिकल ड्रामा आहे. गेल्या काही दिवसांपासून चाहते या चित्रपटाची आतुरतेने वाट पाहात होते. यापूर्वी अन्विता दत्त यांचा बुलबुल हा चित्रपट हीट ठरला होता. अन्विता दत्त यांचे चित्रपट नेहमीच धमाल करतात, आता हा चित्रपट कोणते रेकाॅर्ड तोडतो, हे पाहण्यासारखे ठरणार आहे.

इरफान खान यांचा मुलगा बाबिल खान या चित्रपटात दिसणार आहे. काला या चित्रपटात बाबिल मुख्य भूमिकेत असून या चित्रपटात बाबिल काय खास करतो, हे महत्वाचे आहे. हा चित्रपट 1 डिसेंबरला रिलीज होणार आहे. Netflix वर चित्रपट प्रेक्षकांना बघता येणार आहे. मंगळवारी चित्रपटाचे पोस्टर रिलीज करण्यासोबतच चित्रपटाची डेटही जाहिर करण्यात आली.

या चित्रपटाची स्टोरी एका युवा गायिकेवर असून कशाप्रकारे ही युवा गायिका यशाच्या शिखरावर पोहचते हे दाखवण्यात आले आहे. काला चित्रपटाची दिग्दर्शिका अन्विता दत्त यांनी या चित्रपटाचा मुख्य कलाकार म्हणून बाबिलची निवड केलीये. इरफान खानचा मुलगा बाबिल खानचे नाव सुरुवातीपासूनच या चित्रपटाशी जोडले गेले होते.

आता Netflix वर काला हा चित्रपट काय धमाका करतो हे 1 डिसेंबरला कळेलच. मात्र, अन्विता दत्त यांच्या चित्रपटाची प्रेक्षक नेहमीच वाट पाहतात. आता बाबिल खानमुळे चित्रपटाची जास्त चर्चा होताना दिसत आहे. गेल्या काही दिवसांपासून बाबिलचे चाहते त्याला मोठ्या पडद्यावर बघायला उत्सुक होते. या चित्रपटातील बाबिलच्या भूमिकेबद्दल जास्त काही कळू शकले नाहीये.